منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 مين اللي أدخل في عقول البعض إن مصر عملت مصالحة مع حماس؟!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن الذهبى
عضو stars
عضو stars
avatar

اسم العضو : حسن الذهبى
الجنس : ذكر عدد المساهمات : 2437
تاريخ الميلاد : 11/03/1956
تاريخ التسجيل : 16/01/2014
العمر : 61
المزاج عال

مُساهمةموضوع: مين اللي أدخل في عقول البعض إن مصر عملت مصالحة مع حماس؟!!    الخميس أكتوبر 05, 2017 5:37 pm

 بواسطة ‏‎Mohammed Haffz‎‏.
.................. 
يظهر انه اتكتب علينا دايما اننا نضيع عمرنا وصحتنا في جدل ساذج و مناقشات عقيمة المفروض حتى الأطفال يسخروا من مجرد طرحها، وكأننا كل مرة لازم نبتدي نشرح من أول 1+1 = 2 ..
مش فاهم مين اللي أدخل في عقول البعض إن مصر عملت مصالحة مع حماس؟!! 
مين اللي اخترع الافتكاسة دي وروجها ؟ والألعن ... مين اللي يصدقها ؟
يا بني يا حبيبي .. مصر دي دولة ، وحماس دي عصابة سمت نفسها حركة وحاولت تبقى حكومة وحتى في دي فشلت ، والدولة ما بتعملش اتفاقيات مع عصابة 
مصر رعت المصالحة بين السلطة الفلسطينية وبين حماس ووحدت الصف الفلسطيني بعد 11 سنة من الانقسام وبعد كتير من المزايدات والمتاجرة والشعارات ، والهدف كان تأمين الحدود الشرقية والأمن القومي المصري ، وده كله تم بعد ما مصر قدرت تأمن الحدود دي عسكريا ، ولازم نعرف هنا إنه لولا نجاحك العسكري مكانش خصمك جالك ذليلا مكسورا ليقبل بكل شروطك اللي كان منها أن تتخلى حماس عن الحكم في غزة بعد 11 سنة من الانفراد بالحكم . 
ولازم نعرف كمان إنه ما ينفعش حد يقولنا ياريت مصر تسحب نفسها من الملف الفلسطيني ده ونلتفت لنفسنا.. دا كلام عيال على القهاوي ، لأنه ببساطة لو انت سحبت إيدك هيحصل فراغ استراتيجي وساعتها كانت ايران او تركيا أو أي طرف تانى هيستغل الفراغ ده عشان يمد نفوذه ويهددك على حدودك .. وهما فعلا كانو بيحاربوك بالطريقة دي ودخلولك فعلا ... دا غير استغلال القضية دي ضدك فى مزايدات اعلامية ودينية طول الوقت
لكن في كل ده ... محدش اتكلم أبدا عن مصالحة بين مصر وحماس... حتى حماس نفسها برغم كل تماحيكها مقدرتش تقول كده
مرة تانية بأكرر .. مصر ليست طرف فى المصالحة على الإطلاق .. دى مجرد مصالحة بين الطوائف الفلسطينية برعاية مصرية ، أو بتوجيهات مصرية ... يعنى مصر ماعملتش مصالحة مع حماس زى ما البعض بيردد .. مصر ما بتعملش مصالحة مع شوية صيع .. مصر ما بتعملش مصالحة مع مجموعة من الإرهابيين .. ومافيش دولة بــ تحترم نفسها ممكن تتصالح مع عصابة أو مليشيات أو تنظيم ....... مصر دولة كبيرة ، وأكبر بكتير من إنها تتحط رأس بــ رأس مع عصابة
تاني حاجة عايز أقولها ... مين قال ان مصر خلاص هتدي الأمان لحماس ؟ هو احنا بعد أكتر من 40 سنة من معاهدة السلام مع اسرائيل كنا إديناها الأمان ؟ فيه حد في العالم شرقه وغربه يقدر يقول كده ؟ 
زي ما اسرائيل فضلت وهتفضل عدو ، برضه حماس هتفضل حركة إرهابية خسيسة من فروع جماعة أنجاس البنا 
هو مين ممكن ينسى دم ولادنا وزهرة شبابنا اللي راحوا غدر بايدين حماس الارهابية ؟ 
مين ممكن ينسى مواكب حماس التهديدية في غزة وهي رافعة الاصابع الاربعة وصورة أول جاسوس مدني منتخب ؟
مين فينا ممكن ينسى الأنفاق واللي جالنا من بلاوي عن طريقها ؟ 
مين فينا ممكن ينسى ابن هنية وهو في الأزهر زي الطاووس ؟ 
مين فينا اللي ممكن ينسى كم الجرائم التي ارتكبت وكم البذاءات التي قيلت وكم التجاوزات التي حدثت ؟
محدش فينا يقدر ينسى .. دي ذكريات محفورة في عقولنا وقلوبنا بالدم والدموع ولن يمحوها حديث معسول أو تصريح صحفي أو مقابلة تليفزيونية 
حماس كانت وستظل ارهابية .. وده شئ محسوم
وَإِنْ عُدتُّمْ عُدْنَا .
.
طبعا خرفان البنا البؤساء اللي بيمروا حاليا بأتعس أيام حياتهم هما اللي ورا الأفيه الرقيع ده ، والمشكلة ان بعضنا ابتلع الطعم بكل سذاجة ، زي ما هما برضه اللي ورا أفيه أكثر وضاعة بيقولوا فيه: لما انتوا بتقعدوا مع قادة حماس ، أومال كنتوا بتحاكموا الجاسوس مرسي ليه بتهمة التخابر مع حماس..؟!! وكأن خلاص معادش فيه عقل يميز بين دولة تتباحث وتتفاوض حتى مع أعدائها وبين تسريب معلومات عسكرية سرية لأي جهة خارجية حتى لو كانت الجهة دي صديق ، فما بالنا بالعدو !!
السادات كان قاعد في مباحثات كامب ديفيد وفي نفس الوقت واللحظة كان بيدي أوامره بإعدام هبة سليم اللي اتقبض عليها بتهمة التجسس لصالح اسرائيل
التخابر يختلف عن العلاقات البروتوكولية يا سيادة الجهبذ
.
أنتوا مش واخدين بالكوا مصر عملت إيه اليومين اللي فاتوا ؟ مش مدركين حجم الانجاز الضخم اللي حصل ؟!! 
مصر حققت نجاح سياسي وإستراتيجى ساحق بكل المقاييس وأذلت حماس ومَن ورائها من صُنّاع المؤامرة وكسرت أنوفهم وأزالت أعلامهم من غزة لترتفع مكانها الأعلام والصور المصرية .. لدرجة إن حماس سلمت مصر عناصر إرهابية من رجالها مطلوبين لدى الأمن المصري وسلمتنا كمان سيارات الشرطة المسروقة من سنة 2011
مصر كسرت الذراع العسكرى للإخوان المجرمين و رجالنا دخلوا عقر دارهم ، والمخابرات المصرية تسلمت مقراتهم وسلمتها للسلطة الفلسطينية الشرعية
فلا مليارات قطر قدرت تمنع هذا القدر المحتوم ، ولا شغل بهلونات السياسية في أسطنبول قدر يمنع إنك تفرض إرادتك ورؤيتك على الجميع 
احنا فجأة صحينا من النوم لقينا مصر فى غزة ... ومش فى غزة كدة عادى .. لأ .. دي صور رئيس مصر فى كل مكان ، وعلى كل الجدران والسيارات .. وعلم مصر مرفوع على الأيادى قبل البنايات 
وفجأة جدنا فريق من رجال المخابرات والقوات الخاصة المصرية بتستلم مقرات الحكم من حماس.. علشان تسلمها للسلطة الفلسطينية الشرعية .. فى ظل حالة من الولولة والبكائيات واللطميات من كل قيادات الجماعة والموالين لهم .. وحالة من الصمت التام من داعمى الإرهاب وأصحاب النفوذ السابق فى غزة ونعنى إيران وقطر وتركيا
أنا مش عارف بالضبط كل دا تم إزاي.. و لا حد يجرؤ يقول إنه فاهم ليه "حماس" رضخت باستسلام للشروط المصرية ، لكن الأكيد إن ده كان نتيجة جهد خارق استمر من عدة شهور وكانت نتيجته هي قلب الترابيزة وعكس المعادلة وهدم المؤامرة على رؤوس صانعيها ومنفذيها 
احنا كلنا شوفنا النتيجة المبهرة دي من غير ما نعرف كل ده تم إزاي.. و لا كام جندي مجهول من رجال المخابرات غامر بحياته أو حتى بذل روحه في سبيل دا.. احنا حتى مابنعرفش هما مين.. و في الغالب مش هنعرف أبداً..
كل اللي نعرفه وشوفناه هو حجم الانتصار المبهر والانجاز المباغت
وعشان كده أنجاس البنا و خُدامهم بيحاولوا يشتتوكم عنه و يقللوا منه 
ومع الأسف يوجد بيننا وفينا من هم سماعون لهم 
أستقيموا وأعتدلوا يرحمكم الله 
ولا تهنوا ولا تحزنوا وأنتم الأعلون
#تحيا_مصر
#مصر_تنتصر
#القاهرة_تقهر_أعدائها
#القاهرة_تبسط_جناحيها
#على_الطريق_نحو_الهدف_المنشود







الرجوع الى أعلى الصفحة اذهب الى الأسفل
 
مين اللي أدخل في عقول البعض إن مصر عملت مصالحة مع حماس؟!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: