منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 إستعدى لرمضان بأفكار جديدة تساعدك على توفير الوقت والجهد والمال

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن المرجاوى
المدير العام
المدير العام
avatar

الجنس : ذكر عدد المساهمات : 3730
تاريخ الميلاد : 03/06/1963
تاريخ التسجيل : 06/11/2010
العمر : 54
المزاج مصر العربيه

مُساهمةموضوع: إستعدى لرمضان بأفكار جديدة تساعدك على توفير الوقت والجهد والمال   الأربعاء مايو 10, 2017 1:54 am

إستعدى لرمضان بأفكار جديدة تساعدك على توفير الوقت والجهد والمال
Nervana Waheed Mabrouk
‏7 مايو‏، ‏القاهرة‏ · 
دى أفكار جمعتها لستات البيوت للاستعداد لرمضان يارب تفيدكوا
هو موضوع طويل شوية بس اللي عاوزة تستفاد هتقراه للأخر
هبدأ معاكم ازاي نحضر اكلنا لرمضان
عشان نوفر في الوقت والمجهود
1__ نعصج كميه كبيره من اللحم المفروم
ونقسمه على اكياس
((للمكرونه بالباشميل --الجلاش --الرقاق --الكوسا --الرز البخاري))
2__الخضره شبت --بقدونس --كزبره -- كرات
كله يتغسل كويس وبعدين ينشف
وقطعيه صغير ((مفروم))
وعبي كل صنف في كيس
ووقت الحاجه طلعي من الكيس على الطبخه او الخلطه
3__الكرنب نسلقه ونوضب ورقه ونرصه فوق بعض
وبعدين في كيس ويتفرز
4__البانيهات : تتبل بالبصل والبهارات
وبعدين تتعمل بالبيض والبقسماط وتترص على صنيه او طبق
ونفصل بين الطبقات بنايلون
وتدخل الفريزر لحد ما تجمد وبعدين نقسم حسب الحاجه
5__السمبوسه :
تتحشي بالحشوه المحببه
سواء جبنه بيضا + نعناع ناشف +فلفل رومي مفروم
او : جبنه شيدر + موزاريلا + نعناع اخضر وبقدونس
او : لحمه مفرومه + شبت
او: فراخ مفرومه + جزر وكرنب مبشورين
او: معجون عجوى بالقرفه ((للحلو))
وكله يتفرد على صنيه ويفرز وبعد ما يجمد يقسم على اكياس
6__البصل البني المكرمل ((للكشري وللتزين ولرز الصياديه))
يتحمر عادي لحد ما يبقى بني
ويوضع على ورق نشاف وبعدين يوضع في كيس
ويفرز ويؤخذ منه وقت الحاجه
7__الثوم يفرم ويعبأ في بطرمنات او اكياس صغيره حسب الحاجه
8__السمك او الجمبري البانيه
يتبل بالثوم والليمون والملح والفلفل والكمون والفلفل الاخضر
ويفرز وعند الحاجه يطلع للبطانه والتحمير
9__الفراخ المشويه ممكن تتبل برضه بالبصل والخل والطماطم والملح
والفلفل والبهارات ويحفظ بالفريزر لوقت الحاجه
10__لو حابه تجيبي كميه من الكباب او كفته الحاتي
هاتيها من المحل وهي سخنه فرزيها
ووقت الحاجه سخنيها على بخار ماء
نحط حله فيها ميه بتغلي وفوقها مصفه ونرص فيها اللحمه
ونغطيها بغطى ونسبها لحد ما تسخن
11__اللحمه اللي هتتحط في الخضار
نسلقها كلها مره وحده ونعبيها حسب الحاجه بعلب
ونحفظ شوربتها في اكياس حسب الحاجه وتفرز
اهم حاجه لتسهيل كل ده
ورقه صغيره بلزق ونلزقها
على كل كيس او علبه ونكتب عليها
محتواه لسهوله ايجاد المطلوب
12___الفواكه : تجمد بالفريزر كما هي : منجا --جوافه --فرواله --
((مشمش - خوخ ننزع نواهم ))
وعند الحاجه توضع في الماء دقايق حتى يسهل تقشيرها ((المنجا))
وتقطع شرايح وتوضع في الخلاط لعمل العصير
الجوافه والفراوله والمشمش وزالخوخ تترك دقايق وبعدين تقطع وتخلط مع سكر ولبن او ميه في الخلاط
البرتقال يعصر منه كميه ويحفظ في اكياس بدون اضافات
البطيخ والشمام يقطع وينظف ويحفظ في اكياس
ويطلع على الخلاط مع شكر
13___ المعجنات :
ممكن نعمل فطاير بحشوات مختلفه وبيتزا ونخبزها نص خبزه وبعدين عند الحاجه تخرج
على الفرن لمده 5 او 7 دقايق بالكتير لتكمل سواها
14 ___الممبار :
يتحشي ويتسلق وبعدين يصفى جيدا من المرقه
ويحفظ في كيس وعند الحاجه يطلع قبلها بنص ساعه او ساعه بالكتير
ويتحمرررررر
15___ ممكن نعمل مكرونه بالباشميل وتتحط في الفريزر
وتطلع على الفرن مباشره
16___الطماطم :
تحفظ كما هي وعند الحاجه توضع في ماء دافي لثواني
وتقشر ثم تخلط بالخلاط
او :
تخلط كميه من البدايه وتقسم على اكياس حسب الحاجه
17 ___الخضار:
بسله -- فاصوليا -- باميه --جزر كله يفرز في اكياس ويطلع على المرقه
بس الباميه لازم تنزل الاول قبل التفريز في ماء مغلي ب ليمون
الملوخيه تخرط وتحفظ في اكياس في الفريزر وتطلع على الشوربه
((يراعى ان يكون الكيس مبطط حتى لا ياخد حيز ومكان ويسهل ايجاده ))
18___ العيش :
يفرز وهو ساااااااااااااخن ويطلع للتسخين
سواء بلدي او لبناني او فينو
بس يحبذ للفينو اننا نشيل قلبه ((اللبابه))
19___البقول:
العدس واللوبيا والفاصوليا البيضا
كلهم يتسلقوا ويتصفوا من ماء السلق
ويحفظوا بالفريز لحين الاستخدام
20___التمر والبلح والمشمش والتين
المجفف ((الياميش))
ياريت تكون عندنا علبه فيها مجموعه من الحجات ده
متقطعه ومتوضبه وتتحط في التلاجه او بره مش مشكله
بس تكون في اي وقت مليانه واول ما نحب نعمل خشاف
ناخد كبشه او اتنين من الخليط ده ونحطه على العصير
21___الشربات :
نعمل كميه كبيره وتحفظ في بطرمان كبير
ويكون عندنا واحد صغير مليان ده اللي ناخد منه و نستعمله
وكل ما يفضى نملاه من الكبير
22___القطايف :
تتحشي بالمكسرا او الجبنه الحلوه
وتقفل وتفرز لحد ما تجمد وبعدين تتشال في اكياس
وتطلع للتحمير
تجميع لخلاصة الأفكار
حبيباتي : العزايم
احب اتكلم الاول عن اللي بيحصل اول ما ننوي على عزومه احد
الدنيا تقوم وما تقعدش
ونجري نشتري السوق كله
من لحوم وخضار
ونهلك في العمايل والتحضير
لمده 3 ايام وكأن البيت في حرب
ليه يا جماعه ؟؟؟
كل الموضوع انك بتعملي فطارك العادي
بس مع فارق الكميه
ولو هتزودي طبق او طبقين كمان
الناس في رمضان لو فطرت بشويه عصير
وتمر وجه وقت الاكل تلاقيها شبعااااااانه
وكله بياكل معلقتين و يشبع
وطبعا الاكل مش بكترته
الاكل بطعمه وشكله
يعني انا اعمل 3 اطباق تحفه
ومعملش 10 يترموا ومحدش ياكل منهم حاجه
وافضل اكل منهم انا وعيلتي اسبوع اودام
تعذيييييييييييييييييييييييب
طيب نعمل ايه:
اولا نختار 3 او 4 اطباق لما تيحطوا يملوا العين
ونفس الوقت يكونوا محتويين على جميع العناصر الغذائيه
لحوم -- نشويات -- خضار
وفي نفس الوقت حسب امكانياتي
ويكونوا موفرين في الوقت والمجهود
واراعي ان الكميات تكون مناسبه وغير مفرطه
واحاول اجهز اللي اقدر عليه من قبلها بيوم
ويوم العزومه اسوي الاكل
وبلااااااااااااااااش نكتر عشان الاكل اللي بيترمي
حرام علينا
ولو فاض اكل من العزومه وحاسه انه سليم ونضيف
زي ما هوا اشيله في الفريزر واطلعه في يوم تاني
مش لازم اعذب نفسي 3 او 4 ايام بعد العزومه
بنفس الاكل
طيب زي ايه مثلا اللي نقدر نفرزه ويطلح يتسخن:
المكرونه بالباشميل
الجلاش
يتسخوا في الفرن بعد كده
____________________
الكفته
اللحمه
الفراخ
المحشي
الممبار
يتسخنوا على بخار مائي
___________________
والسبموسه والبطاطس المحمره نحطهم في التلاجه
وممكن تاني يوم نقليهم مره تانيه
بس نسخن الزيت كويس اوي بحيث ينزلوا ثواني
ونطلعم تاني وكأنهم جداد
وهكذا
تجميع لخلاصة الأفكار
حشوات السمبوسه :
(الحشوه الاولى جبن بيضا :
1---اي نوع جبن تحبيه +رشه زعتر +رشه حبه البركه +بشر ليمون .
-(جبنه + فلفل رومي او حار حسب الرغبه +زيتون اخضر.
((جبنه +بقدونس + نعناع اخضر).
2-- 3---
( الحشوه الثانيه بالجبن الشيدر :
1---جبن شيدر مبشور + بقدونس +نعناع اخضر.
جبن شيدر +جبن موزاريلا +زعتر ) 2---
(الحشوه التالته بالفراخ :
نشوح بصله ونضع عليها قطع الفراخ المقطه طوليا ورفيعه ونص جزره مبشوره رفيع وتشوح حتى السواء ثمنضيف مقدار نص كوب من الكرنب المبشور ونقلب حتى يزبل تتبل الخلطه ب ملح -فلفل -كسبره -زعتر)
(الحشوه الرابعه بالجمبري:
نشوح ثوم مفروم +فلفل رومي مكعبات +طماطم مكعبات ثم نضيف الجمبري المغسول المقطع بحجم العقله ونستمر بالتقليب حتى يحمر الجمبري ونطفئ ثم نضع ملعقه مسترده + ملعقه كاتشب + ملعقه صويا صوص وملح وكمون وفلفل وكسبره)
الكفته :
المقادير:
نص كيلو لحم مفروم +2 م ك كاتشب +بيضه +قليل من الكسبره
الخضرا وكرات +نص رغيف اسمر منقوع في ماء ومصفى+ملح - فلفل -قرفه
الطريقه:
نعجن المقادير كلها مع بعض ثم تشكل اصابع ثم نضعها في بقسماط ثم تبرد ربع ساعه قبل القلي وتقلى في زيت متوسط الحراره وبالهنا .
او:
نعجن النص كيلو لحم مفروم مع بصله مفرومه وطماطمايه مفرومه
وفص ثوم مفروم وفلفله رومي مفرومه
وقطعه ليه سايحه ((اختياريه))
وملح وفلفل وكسبره وكمون ونعناع ناشف
وبعدين تصبح او تكور وتوضع في صنيه وتخبز في الفرن
تجميع لخلاصة الأفكار
لحفظ الخضره تتغسل كويس وتتنشف
وتتفرم وتعبأ في اكياس وتفرز
وساعه الحاجه طلعي الكميه على الطبخه
على طول مت غير تسييح واحفظي الباقي تاني
ولا بتسود ولا حاجه
وممكن تحفظيها بالتلاجه بانك تغسليها كويس وبعدين
تحفظيها في خيشه منديه
تجميع لخلاصة الأفكار
بصي حبيبتي افضل طريقه لتخزين ورق العنب:
انك تشيليه وهو اخضر
تمسحي الورق من اي شوائب او اتربه
وترصيه فوق بعضه بطريقه مرتبه
وتحطي كل حبه مع بعض ((حسب حاجتك ))انصاص او ارباع
وبعدين لفي كل مجموعه في ورقه بيضا وبعدين كيس نايلون
وشيليه في الفريزر وبيقعد بالسنتين ثلاثه
ووقت الحاجه تطلعيه وتسلقيه شويه في ميه مغليه بنقطتين زيت
يادوب بس 5 دقايق
وصفيه وابدأي الحشو
الرجوع الى أعلى الصفحة اذهب الى الأسفل
 
إستعدى لرمضان بأفكار جديدة تساعدك على توفير الوقت والجهد والمال
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: المرأة :: المطبخ-
انتقل الى: