منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 رسالتي لرئيسي السيسي اللى انتخبته ودعمته وطبلتله كتير بالحق والباطل ...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن المرجاوى
المدير العام
المدير العام
avatar

الجنس : ذكر عدد المساهمات : 3730
تاريخ الميلاد : 03/06/1963
تاريخ التسجيل : 06/11/2010
العمر : 54
المزاج مصر العربيه

مُساهمةموضوع: رسالتي لرئيسي السيسي اللى انتخبته ودعمته وطبلتله كتير بالحق والباطل ...   الأربعاء ديسمبر 28, 2016 5:23 am

Mahmoud Salah
*****************
رسالتي لرئيسي السيسي اللى انتخبته ودعمته وطبلتله كتير بالحق والباطل ...
الكوبري العائم مشروع هايل عملاق تنفيذ القوات المسلحه 
المزارع السمكيه مشاريع هايله عملاقه تنفيذ القوات المسلحه 
قناه السويس الجديده مشروع قومي عملاق حلم تنفيذ القوات المسلحه 
7000 كم طرق مشروع هايل عملاق تنفيذ القوات المسلحه 
عمارات اسكان اجتماعي وبديل للعشوائيات مشروع هايل عملاق تنفيذ القوات المسلحه
البدايه فى استصلاح واستزراع صحراء مصر فى الفرافره مشروع هايل عملاق تنفيذ القوات المسلحه 
البدايه فى مرافق العاصمه الاداريه الجديده مشروع قومي عملاق تنفيذ القوات المسلحه
مدينه الاسماعيليه الجديده مشروع هايل وعملاق تنفيذ القوات المسلحه 
مصانع البتروكيماويات مشروع قومي هايل عملاق تنفيذ القوات المسلحه 
مشروع محاربه الغلاء لكل السلع واللحوم مشروع هايل تنفيذ واشراف القوات المسلحه 
.........................
على فكره يا ريس كل المشاريع دي كان ممكن حضرتك تعملها برضه وانت وزير دفاع وها تبقي باسمك برضه وها يتكتب كده فى اللوحه الرخام بحضور المشير عبد الفتاح السيسي وزير الدفاع والقائد العام للقوات المسلحه تم افتتاح كذا وكذا 
........................
انا عاوز اشوف بصمتك ياريس كرئيس جمهوريه كرئيس سلطه تنفيذيه يترأس حكومه تنفيذيه مدنيه برئيسها الحالى شريف اسماعيل اللبان او حكومه اللبان و 7 مليون لبان
عاوز اشوف بصمتك ياريس فى 30 شهر فى اداره موارد الدوله الاقتصاديه 
عاوز اشوف بصمتك ياريس فى 30 شهرفى الثوره على قوانين ولوائح حكوميه تبيح وتسهل الاستيلاء على المال العام 
عاوز اشوف بصمتك ياريس فى 30 شهر فى الثوره على حاله الفوضي والارتجاليه فى السوق المصري وحاله الارتفاع المتواصل والمستمر لاسعار كل حاجه واى حاجه 
عاوز اشوف بصمتك ياريس فى 30 شهر فى الحد من الاحتكار والفساد والنهب 
عاوز اشوف بصمتك ياريس فى 30 شهر فى الثوره على قوانين رثه عفنه للقصاص لدم كل شهدائنا من اشرف واطهر رجالنا فى جيشنا وشرطتنا وماليش فى قانون ولا دستور ولا مجلس نواب ماليش فيه ... 
عاوز اشوف بصمتك ياريس فى 30 شهر في مجال التعليم والصحه اللى مفيهاش اي جديد 
عاوز اشوف بصمتك ياريس فى 30 شهر فى الانحياز الفعلي للفقراء مش الانحياز الكلامي والشعارات والدموع احيانا 
عاوز اشوف بصمتك ياريس فى 30 شهر فى جلب استثمارات اجنبيه او تنشيط استثمارات محليه 
عاوز اشوف بصمتك ياريس فى 30 شهر فى عوده السياحه المصريه وتشغيل 5 مليون مصري قاعد فى بيته من 6 سنين 
عاوز اشوف بصمتك ياريس فى 30 شهر فى الاحتياطي النقدي الاجنبي الملك الخالص لينا مش الودائع الخليجيه والقروض 
عاوز اشوف بصمتك ياريس فى 30 شهر فى تراجع عجز الموازنه المصريه مش استمرار عجز الموازنه سنويا لما اقترب الدين الداخلي والخارجي الى 4 تريليون جنيه 
عاوز اشوف بصمتك ياريس فى 30 شهر في تشغيل مصانع مقفوله او تشغيل مصانع جديده لانتاج منتج محلي بديل عن المستورد 
عاوز اشوف بصمتك ياريس فى 30 شهر فى تراجع عجز الميزان التجاري الدولى لرفع قيمه عملتنا مش انهيارها ومش بقفل الاستيراد وتعطيش السوق من المنتجات والخامات والادويه الغير موجود لها بديل محلي 
...........
ده اللى انا عاوزه من حضرتك ..
حضرتك عاوز مننا ايه ؟ 
نتحملك كمان 6 شهور علشان نقفل 3 سنين من ال 4 سنين بتوع حضرتك حاضر نتحمل المر بزياده كمان 6 شهور ولا يهمك غالي والطلب رخيص بس خليك فاكر حضرتك قلتنا استحملوني سنتين واتحملناها وفوقها 6 شهور بس مفيش مشكله نتحمل كمان 6 شهور ونتحاسب وقتها على الامانه اللى سلمناهالك و على الوعود وعلى العهود اللى قطعتها على نفسك قبل توليك الرئاسه على كل بنود التعاقد اللى بينا واللى مضينا عليها احنا وحضرتك .
اه من فضلك ياريس عاوزين لما نتحاسب نتحاسب مع رئيس الجمهوريه المنتخب مش مع وزير الدفاع المعين ......
انا خلصت رسالتي ياريس ومكمل معاك علشان مصر لغايه يونيو 2018 مجبرا لا مخيرا ......................................
الرجوع الى أعلى الصفحة اذهب الى الأسفل
 
رسالتي لرئيسي السيسي اللى انتخبته ودعمته وطبلتله كتير بالحق والباطل ...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: