منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 الدعم (حنشيل الدعم ونوصل الوهم)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن الذهبى
عضو stars
عضو stars


اسم العضو : حسن الذهبى
الجنس : ذكر عدد المساهمات : 1772
تاريخ الميلاد : 11/03/1956
تاريخ التسجيل : 16/01/2014
العمر : 60
المزاج عال

مُساهمةموضوع: الدعم (حنشيل الدعم ونوصل الوهم)   الخميس ديسمبر 01, 2016 8:30 am

Hassan Margawy
*************
فواتير إيه بس اللى حتعمل منها معيار للتفرقة بين الفقير والغنى ونوع سيارة إيه ونوع مدارس الأولاد وشوية ويقولك نوع السجاير اللى بيعفرها مين حيمدك بالمعلومات الصحيحة . وأنت كده مش بتعمل حزازية بين افراد المجتمع وأنت كده مش بتخالف الدستور .....وتقولى ده المعيار معيار إيه ياعم الحج ده معيار المصاطب ومقياس الجهلة والفشله وميزان من يضمرون فى صدورهم شيئاً ما سيصدمون به الناس ...ياعم نقى انت بس البطاقات من المتوفين والمسافرين للخارج لأكثر من 6 شهور والأسماء المكررة والبطاقات المزورة وبعدين نشوف حنعمل إيه أنت كل همك تنسف الدعم من أساسة كل همك فى خلال عامين على الأكثر تحرر كل الخدمات وتطلق صعار الأسعار ويستوى الغنى مع الفقير فى كل شيئ إلا الدخول والخدمات المقدمة ياعم لو عاوز معيار تقيس عليه بتقول لديك 22 مليون بطاقة صح خد عندك لديك 7 مليون موظف مطحون أحذف منهم بس القيادات عشان دول أغلبهم لصوص ولديك قرابة 9 مليون من اصحاب المعاشات وأنت مغمض عينك يكون المجموع 16 مليون طلع منهم بتوع معاشات التضامن الإجتماعى وبتوع ذل وكرامة وكل سكان المناطق الشعبية الغير مقيدين على وظائف من باعة جائلين لأرامل ومساكين والناس دى تقدروا تتعاونوا مع الجمعيات الخيرية لتمدكم بأسماء هؤلاء وبحوث حالتهم الإجتماعية وترجع تقول لنا الوزارات التانية مش عاوزة تتعاون معاكم وتمدكم بالمعلومات مثل المالية ومصلحة ضرائبها مثل الصحة وكشوف المتوفيين مثل الداخلية والسجل المدنى ياعم ما أنتم الحكومة مع بعضكم فى لكم رئيس حكومة اشتكوا إنما تطلعوا جهلكم وتخلفكم على الشعب وبعدها نلاقى مليونير بيصرف التموين وفقير لايجد قوت يومه مرمى خارج الأسوار قول دول كمان 4 مليون يبقى كده دخلت على 20 مليون شوف أنت بقى باقى ال 2 مليون بطاقة اللى فاضلين وابحث حالتهم بأى طريقة تعجبك والعالم دى منهم موظفى البنوك والبترول والهيئات الدبلوماسية والكيانات اللى لم يطبق عليها قانون الخدمة المدنية ورجال الأعمال والفنانيين ولاعبى الكرة والأطباء وكبار المحامين والقضاة والعاملين فى الفنادق الكبرى والملاهى الليلية والطيارين ونواب مجلس الأنس ومتنساش السادة المستشارين اللى مليت بيهم كل مكان فى دولاب العمل الحكومى واللى بيلهطوا مليارات وسيادتك مش قادر توقف نزيف وسرسبة تلك الأموال ومش قادر تقول لهم كفاية بس تقدر تقول لفقير غلبان كل دخله لو كان فى دخل أصلاً لايتعدى ال 500 جنيه تقوله وفر شوية فى الإستهلاك وهو مفيش عنده أصلاً أستهلاك غير إستهلاك واحد هو جسده وعمره وحياته تقوله أستحمل ياراجل شوية عشان البلد تعدى أتحمل ياراجل شوية واربط الحزام كفاية إنك مش زى سوريا والعراق أنت عاوز تتلطم عاوز تتشرد عاوز تبقى لاجئ الراجل الفقير ده بس اللى يتحمل الحكومة لا ورجال الأعمال اللى نهبوا البلد لا والفسدة والحرامية وتجار المخدرات ومهربى الأثار لا والمحتكرين للسلع لا أحنا بس اللى نتحمل أحنا بس اللى نضحى بكل غالى ونفيس ولما ناخد فتات نتعاير مع إن اللى أخدناه باليمين سرعان ماأستردوه منا اضعاف أضعافه باليسار لنبقى دائما نحيى على رحمة الله بنا بفضل دعاء الغلابة منا بفضل صبر المطحونين فينا لامدارس ولاتعليم لاصحة ولادواء ولاعلاج لانظافة ولاسكن لاعمل لامجرد أهتمام ويقولك تحمل لارقابة على اللصوص لامحاربة للفساد ويقولك تحمل نحن من قدم ارواح أبناءه فداء لتراب هذه الأمة ونحن من حصد الغلاء ولم يجد الدواء وأفترش الأرض سكنا وألتحف بالسماء ونحارب فى دعم من حقنا فى وقت عز فيه المال ولاتوجد فتحة من بصيص أمل فى مستقبل قادم يأخذ بأيدينا ليخرجنا من ظلمات الفقر إلى بصيص الحياة الأمنة لن أتحدث عن القهر فى كل مكان كفاية كده ارفعوا يدكم من علينا دوروا على الحيتان وفئات أخرى انتم تعلمونها جيداً بس يارب تقدروا عليهم وشوفوا حتوفروا أد إيــــــــــــــه بس ماتنساش تشارك المجتمع فى النقاش والحوار وياريت تلغى الدعم خالص على بطاقات التموين لأنه خلاص مابقاش فى دعم وخليه نقدى ولكنه متحرك وليس ثابت متحرك مع تحرك الأسعار متحرك مع قوة العملة متحرك بتحرك السوق بقوة الحالة الإقتصادية فى البلاد متجرك بتحركك أنت فى توفير السلع والبضائع فى الأسواق متحرك بقضاءك على الإحتكار متحرك بقضاءك على الفساد وماتنساش مش قرشين حترميهم للفقير وبعد كام سنة يتبخروا ويبقوا فى خبر كان .....شوف أنت بقى حتعمل إيــــــــــــه؟
أنا الظاهر بأكلم نفسى وبأنفخ فى قربة مخرومة ولكنه حديث من قلب مواطن يشارك أخوته وامته مشاكلهم ويشاطرهم مصائبهم ويشعر بألامهم ..فقط مواطن يصرخ أين الحكومة ؟....أين مجلس النواب؟؟؟....ولامجيب ؟؟؟؟
by:hassanmargawy.
الرجوع الى أعلى الصفحة اذهب الى الأسفل
 
الدعم (حنشيل الدعم ونوصل الوهم)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: