منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 ما وراء الأزمة .. قصرٌ حكمٍ مأزوم ..وصراع أجنحة مكتوم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن المرجاوى
المدير العام
المدير العام


الجنس : ذكر عدد المساهمات : 3424
تاريخ الميلاد : 03/06/1963
تاريخ التسجيل : 06/11/2010
العمر : 53
المزاج مصر العربيه

مُساهمةموضوع: ما وراء الأزمة .. قصرٌ حكمٍ مأزوم ..وصراع أجنحة مكتوم    السبت أكتوبر 29, 2016 9:51 am

Mohammed Haffz
5 ساعة · 

ما وراء الأزمة .. قصرٌ حكمٍ مأزوم ..وصراع أجنحة مكتوم 
================================
بعد انتهاء [rtl]#غزوة_المتني[/rtl] وحسمها بشكل سريع لصالح الفيسبوكرز الدولجية المصريين ، عايزين نفكر ونعيد قراءة المشهد ونحلله بشكل أكثر عمقا عشان نفهم اللي بين السطور:
.
حتى لو كان الخروف [rtl]#اياد_متنى[/rtl] مجرد وزير إخوانجي "سابق" ، لكنه لسه لحد دلوقت بيمثل بلده في منظمة التعاون الاسلامي ، وبالتالي فكلامه محسوب على النظام السعودي ، مهما حاول البعض تخفيف الأمر وحصره في قول عابر لمسئول "سابق" ، وأنا من أول لحظة ومع أول بوست كتبته عن الموضوع ده قلت إن اللي حصل كان مدبر ومش مجرد مزحة عفوية عابرة كما يدعي هذا المأفون.. طاب ليه بأقول كده ؟ ومش جايز تكون دي مبالغة مني وتحميل الأمور أكتر مما تحتمل ؟ ..ممكن طبعا ، ولكن أي طفل صغير عارف أقل القليل عن كيف تدار السياسة السعودية داخليا وخارجيا هيقولك ان كل المسئولين الحاليين و "السابقين" في السعودية بيشتغلوا بطريقة ( كلب الحراسة ) عند الأسرة الحاكمة .. يعني احرس هنا يحرس .. امدح هنا يمدح .. انبح هنا ينبح .. عض هنا يعض ، و أتحدى أي واحد يقول غير كده ، كلهم بلا استثناء ، من اصغر موظف في أي بلدية لحد أكبرمسئول في قصر الحكم ، حتى أئمة الحرمين بيشتغلوا بنفس الطريقة في خطبهم و فتاويهم .. قول دي ثورة تبقى ثورة .. قول القذافي كافر يبقى كافر .. قول بشار ابن حرام يبقى ابن حرام .. قول الروس أبالسة و الأمريكان طيبين و كيوت يقول .. قول قول قول ، و مولانا الشيخ يقول و يفتي و يلت و يعجن ( أه و يعيط و يتشحتف ) ..يعني اللي فاهم لحد دلوقت إن المتنى بيمثل نفسه و إن كلامه دا جه بالصدفة وان المسئولين في قصر الحكم في الرياض زعلانين من اللي حصل أو ما يعرفوش حاجة عنه يبقى مش بيعرف ألف باء سياسة . 
.
المسئول السعودي السابق كان عارف هو بيقول ايه ، و مكانش بيرتجل، بالعكس ده كان محضر اللقطة دي ..أصل البدوي ما يعرفش أبدا يرتجل في الرسميات ، دي خدها قاعدة ، وبالتالي فاعتذاره غير مقبول بالنسبة لي ...لكن مش دي المشكلة ..لأن الحكاية مش مجرد حكاية شعوب يتحولوا لشتيمة و سب في بعض ، ولا حكاية هاشتاجات ..يعني الموضوع أكبر من التراشق بشوية ألفاظ أبيحة بين المواطنين هنا و هناك .. المشكلة الحقيقية إن اللقطة دي لها دلائل كثيرة، أولها: إن الاخوان المسلمين ليسوا ببعيدين عن رجالات السلطة في السعودية ، و ده شئ خطير يا حضرات ، لأن السعودية لو هتصنف أعدائها فهتكون ايران و بعد منها الاخوان... وثانيها إن السعودية ماشية بخطوات كلها تهور ورعونة متواصلة في طريق القطيعة مع مصر ، و الجليطة السعودية عالمستوى الرسمي دي ما بدأتش امبارح ، دي بدأت من شهر تقريبا ، مع قرار شركة أرامكو بعدم تزويد مصر بشحنة البترول المتفق عليها بتاعة شهر اكتوبر.. دي الحقيقة اللي محدش يقدر ينكرها .. 
و الحقيقة التالتة المحزنة ان السعودية ماشية ( ماشاء الله تبارك الله ) في سكة اللي يروح مايرجعش ، مش عشان القطيعة مع مصر ولا عشان السيسي بيحكم العالم و بيحمي المملكة ، بس الأزمة الكبرى اللي بتضغط على عصب قصر الحكم السعودي إن الدور القيادي السعودي بدأ يتراجع على مستوى الإقليم ....من أربع خمس سنين ، مصر كانت في أضعف حالاتها سياسيا ودورها الإقليمي كان متراجع بشكل كبير ، وده سمح للسعودية انها تتبوأ زعامة الإقليم بلا منازع ..و في الوقت ده السعودية بفضل سياسات الملك عبد الله ، الملك العروبي الاستثنائي في تاريخ آل سعود ، ساعدت مصر بشكل محدش يقدر ينكره ، ولولا وقوفها معانا هي وباقي دول الخليج بشكل غير دفة الأحداث ، لكنا واجهنا مصير صعب جدا ، لكن الموقف الآن تغير خصوصا مع صراع الأجنحة الدائر حاليا داخل أروقة بيت الحكم السعودي ، ما بين الجناح الإخوانوتركي بقيادة الأمير محمد بن نايف ومنهم الإخوانجي اياد مدني المقرب من الأمير بن نايف، وبين الجناح المعتدل ذو التوجه المصري نوعا ما بقيادة الأميرمحمد بن سلمان الي بيحاول يكون هو الحاكم الفعلي من وراء الستار للسعودية الآن ( الملك العجوز المريض تقريبا موجود بشكل شرفي ومغيب تماما عن المشهد ، وتلاقيه لحد دلوقت ما عرفش حاجة عن اللي حصل امبارح) ، ودي أزمة أخرى في قمة هرم الحكم السعودي ، والصراع دا أثر على توجهات المملكة وقلّص تأثيرها الإقليمي، خصوصا مع ازدياد نفوذ الجناح الإخوانوتركي في بلاط الحكم واكتسابه مساحات جديدة كل يوم ، ودا كله بيحصل بالتزامن مع صعود تدريجي للدور المصري الإقليمي ، بس راية القيادة دلوقتي ﻻزم تروح لمصر، وهي فعليا بتروح لمصر، لأن ده دورها و حجمها الطبيعي .. لأننا ثبتنا و مفرقش معانا شحنة نفط أو مال، ولم نرهن حيشنا لحد و قولنا كلمتنا في سوريا، فده مش عاجب طبعا ، وعشان كده وارد ان تصل السعودية لإفلاس سياسي بيعبر عن انتكاساتها العسكرية والسياسية الاخيرة خصوصا مع نسف أي أوهام طفولية برهن مواقف و ثوابت مصر الاستراتيجية في الاقليم على حساب الطاقة أو المال.. وارد إن السعودية تلجأ لسياسة افلاس و تقوم بتسريح شوية خرفان يسخروا من شخص الرئيس و مصر عامة في المحافل الدولية.
الكام نقطة اللي فاتوا دول بيقولوا ان مملكة الرمال في خطر، وإن دورها الاقليمي ابتدت مصر تزاحمها فيه، و ايران حرفيا بتقوم بتطويقها من العراق و اليمن، و صواريخ باليستية كل أسبوع بتنطلق من جماعات الحوثي صوب العمق السعودي، فبدلا من أن تقذف السعودية بالحوثيين خارج الشمال اليمني ، أصبحت تحارب في عمق حدودها ، ودي انتكاسة سياسية وعسكرية مؤلمة.
.
صحيح إن مصالح مصر والسعودية بتتلاقى في وجود الاخوان على قائمة الأعداء الطبيعين لكل منهما، و ده بيقولنا اننا في مركب واحد ، لكن الصحيح أيضا إن السعودية دلوقت مأزومة ومهمومة وموجوعة ، و كل اللي انت شايفه و هتشوفه ده عبارة عن صرخة غلام أهبل معاه مليارات اعتاد على القيادة و فجاة تُسلب منه القيادة رغما عنه .. السعودية ﻻزم تتفهم الأجندة المصرية، و تقبل بمحصلة الوضع الجيوستراتيجي ، وﻻزم تفهم ان القيادة معدتش ليها سواء بتلاجة فيها كبسة أو تلاجة مفهاش غير ميه.
المشكلة الكبرى أيضا إن الفخ الأمريكي اللي اتعمل لآل سعود فخ معتبر .. مستنقعين واحد في الشمال و واحد في الجنوب ، واللعب الأمريكاني مع إيران أصبح واضح لأي متسكع على ناصية السياسة ، أمريكا بتسلم عمائم قم مفاتيح الإقليم ، وفي يوم مش بعيد ، هيكتشف المسئولين السعوديين الأشاوس إن تلاجتهم طول الوقت كانت مليانة ديناميت قابل للإنفجار في أي لحظة ، و ريموت التفجير مع أسيادهم الأمريكان .
.
---------------------------------------------
with: Muhammad Hussein & محمد حسن
الرجوع الى أعلى الصفحة اذهب الى الأسفل
 
ما وراء الأزمة .. قصرٌ حكمٍ مأزوم ..وصراع أجنحة مكتوم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: