منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 أبراهيم عيسى وكلمته أمام الرئيس السيسى فى مؤتمر الشباب بشرم الشيخ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن الذهبى
عضو stars
عضو stars


اسم العضو : حسن الذهبى
الجنس : ذكر عدد المساهمات : 1772
تاريخ الميلاد : 11/03/1956
تاريخ التسجيل : 16/01/2014
العمر : 60
المزاج عال

مُساهمةموضوع: أبراهيم عيسى وكلمته أمام الرئيس السيسى فى مؤتمر الشباب بشرم الشيخ   الخميس أكتوبر 27, 2016 9:05 am

ابراهيم حمالات فاتح كشك فى قناة القاهرة والناس ومصدع دماعات اللى خلفونا بكل أنواع العبارات اللولبية وكل الإسقاطات السياسية وكل السب والقذف فى الدولة وقيادتها من رئيس كده وكده ومن حكومة فاشلة ومن مسئولين جهلاء ومن مجلس نواب قلته احسن منه ومن موظفيين أميين ومن أزهر فاشستى داعشى وحاطط مناخيره فى كل شيئ يامؤمن تلاقيه بيتكلم فى السياسة وفى الإقتصاد وفى التعليم وفى علم الإجتماع وعلم النفس والطب والهندسة وتلاقيه مصلح أجتماعى وتلاقيه ناشط سياسى وتلاقيه مع الكل وضد الكل ومع ذلك ماحدش جه ناحيته ولا قال له أنت بتقول إيـــــــــه؟
إبراهيم حمالات بيفكرنى بقولة الرئيس السادات عن قطر لما قال دى كشك ع الخليج بس عاملة فرقعة فى الدنيا.
إبراهيم حمالات نسى أنه أتحكم عليه بالسجن عشان بس كتب بأسلوب الإسقاط والتورية مستفسرا عن غياب رئيس الدولة الذى كان يعالج خارج البلاد ولولا تدخل مكرم محمد أحمد لدى مبارك الذى عفى عنه وانقذه من السجن وهى المرة الأولى والوحيدة التى أستخدم فيها مبارك حقه كرئيس فى العفو عن مسجون إلا مرة عن جاسوس أسرائيلى وفى نهاية مدة سجنه لأسباب سياسية.
لما أبوحمالات يقول رأيه أمام الرئيس عبد الفتاح السيسى ويتكلم عن التطبيل ويقول اللى مش عاجبه مذيع معاه الريموت ويغير القناة ويقول رأيه المعارض بكل وضوح دون أن يتخذ ضده أى إجراء فهذا يدل على أن الدولة إن لم تكن ديمقراطية بالمعنى الشامل فهى فى طريقها لهذا السبيل .
الموضوع كده أنه يصب فى خانة الدولة والرئيس وليس ضدهما فكل هذا التحمل والصبر والإنصات للمعارضين وجها لوجه يحسب لهما أما الشلة أياها وهم من أتحاد ملاك ثورة يناير فمجرد وجود زملاء لهم من نفس الخندق فى المؤتمر أصابهم بالزعر بل تطاولوا عليهم بالسب ووصموهم بالخيانة وكيلوا السباب لست البنات التى اتخذوها من قبل أيقونة الثورة ضد الجيش فثورة يناير كانت ثورة شعب لاثورة مجموعة من المنتفعين واللاجئين لأعتاب السفارة الأمريكية الموحدين بحمد الدولار والمسبحين بألهم القاطن فى منتجعات النمسا والزائرين للبيت الأبيض والطائفين حوله يلتمسون بركات ال c.i.a ونفحاتها فنقول لهؤلاء موتوا بغيظكم فالكلاب تعوى والقافلة تسير ومصر لن ترتد للخلف ولن تركع لغير الله.
الرجوع الى أعلى الصفحة اذهب الى الأسفل
حسن المرجاوى
المدير العام
المدير العام


الجنس : ذكر عدد المساهمات : 3424
تاريخ الميلاد : 03/06/1963
تاريخ التسجيل : 06/11/2010
العمر : 53
المزاج مصر العربيه

مُساهمةموضوع: رد: أبراهيم عيسى وكلمته أمام الرئيس السيسى فى مؤتمر الشباب بشرم الشيخ   الخميس أكتوبر 27, 2016 4:00 pm

Mohammed Haffz
الآن · 
ما شفتش حد في مؤتمر شرم الشيخ أكثر بؤسا من إبراهيم عيسى.. اللي بيأيدوه بقوا بيكرهوه بجنون عشان راح.. و اللي بيعارضوه عاملينه مسخرة السوشيال ميديا، أستاذه قام ألقى كلمه هزأه فيها.. و اللي دعاه للمؤتمر نفسه ضحك عليه و هو بيضرب كف علي كف... Very Happy 
.
المهندس "أيسم صلاح Aysam Salah" وقف يتكلم عن إعلامي فظ غير مهني بيتكلم بطريقة فجة بمعلومات مغلوطة.. فالأستاذ أسامة كمال ألقى دعابة عابرة لتلطيف الموقف.. راح إبراهيم عيسى رادد في نطاعة وبرود:
"لأ هو يقصدني أنا يا اسامة.. إبقى غير المحطة بالريموت"...
يعني مش كفاية انه عارف إنه هو المقصود بالإعلامي الفظ الفج الكذاب.. لأ .. كمان شايف إن دا عادي.. غير المحطة و ماتشوفوش..
.
و بعدين انبرى يتكلم عن إنه فاز بجايزة أحسن صحفي.. الجايزة اللي كان رشحه ليها البرادعي طبعا .. باعتبار إن دا صك غفران.. يقدر بعده " يبول " كما يشاء على الشاشات.. يعني اللي خد جايزة نوبل في الطب يصبح من حقه يدخل العيادة يقلع حزامه يلسع بيه المرضي أو يضربهم بالشلاليت...
و هانروح بعيد ليه ؟ " توكل كرمان" خدت نوبل مقابل إنها تفكك اليمن و تقسمه و تدخله في حرب أهلية... وبعد كده طلعت تقول "جنسيتي التركية أهم عندي من نوبل "
مغالطة منطقية عجيبة.. "انا حاصل علي جائزة يبقي اعمل ما شئت"...
المغالطة المنطقية دي اسمها "الإحتكام للسلطة الظاهرة appeal to authority fallacy" للي يحب يقرا عنها.. بمقتضاها ممكن أقولك "السجاير مفيدة للصحة" و لما تعترض اقولك: "انا دكتور معلش.. حاتفهم اكتر مني؟ هو انت دكتور عشان تجادلني ؟"..
.
تاني جملة قالها إبراهيم.. و لفتت نظري جدا:
"من حق الأغبياء يعبروا عن رأيهم عادي"...
و بالتالي فإن الحاضرين اللي آرائهم ضد إبراهيم هم من "الأغبياء" في نظره...
مش عارف مين الغبي الحقيقي يا إبراهيم.. اللي قعد علي الشاشات يدافع عن "إيلان" الجاسوس الإسرائيلي.. و بعدين اتخرس لما اسرائيل طلبت مبادلته؟
و للا اللي بيكتب تويتات لواحد كان سبق و لقبه في مكالمة هاتفية شهيرة بـأنه "حمار" من ضمن "عشرين حمار" بيقعد معاهم و هو قرفان متعكر المزاج ؟
و للا اللي قدم لنا "الارهابي ابو اسماعيل" علي انه نموذج للوسطية و استضافه في عدة حلقات متتابعة بعدما كان محدش يعرفه تقريبا..
و للا اللي استضاف اعضاء المحظورة الإرهابية و لمعهم للناس علي الشاشات ، و كان قبل كده عامل صحيفته منبر لتلميعهم وغسيل وجوههم القذرة ؟
القائمة طويلة جدا...
مين الغبي مش عارف.. يبدو إن جملتك تتاخد على المحملين..
فيه إعلاميين وجودهم هو أكبر دليل على إن "الغبي بيقول رأيه عادي" بالفعل...
أظنك عارفهم يا إبراهيم...
.
----------------------------
By: Alaa Hammouda
الرجوع الى أعلى الصفحة اذهب الى الأسفل
 
أبراهيم عيسى وكلمته أمام الرئيس السيسى فى مؤتمر الشباب بشرم الشيخ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: