منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 الناس اللي عمالة تحقد و تسخر من مؤتمر شرم الشيخ.. هم نفسهم اللي سخروا من قناة السويس.. و "اتلقنوا" إنها "تفريعة"..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن الذهبى
عضو stars
عضو stars


اسم العضو : حسن الذهبى
الجنس : ذكر عدد المساهمات : 1772
تاريخ الميلاد : 11/03/1956
تاريخ التسجيل : 16/01/2014
العمر : 60
المزاج عال

مُساهمةموضوع: الناس اللي عمالة تحقد و تسخر من مؤتمر شرم الشيخ.. هم نفسهم اللي سخروا من قناة السويس.. و "اتلقنوا" إنها "تفريعة"..   الخميس أكتوبر 27, 2016 6:30 am

Mohamed Khalifa
18 دقيقة · 
لما بآجي أكتب.. باكتب من رأسي مباشرة.. الأفكار بتجيلي.. ببدأ أكتبها.. إلا لو في مرجع أو كتاب.. لازم يكون مفتوح قدامي في الحالة دي.. و أنقل منه.. و أشير لأني نقلت منه في المراجع في آخر البوست.. أعتقد إن أي شخص طبيعي بيعمل كده...
الناس اللي عمالة تحقد و تسخر من مؤتمر شرم الشيخ.. هم نفسهم اللي سخروا من قناة السويس.. و "اتلقنوا" إنها "تفريعة".. خد بالك كل مصطلحاتهم مش من راسهم.. دي اتلقنت له تلقين.. عن طريق الأيقونات و قطيع الهاربين في تركيا و قطر.. و هو رددها..
حتى السباب.. حتى الهاشتاجات المسيئة اللي عملوها للرئيس و غيره.. جت من آيات عرابي و غيرها.. و هم بيرددوا زي القطعان...
هو مافكرش أبدا.. و لا صك مصطلح من نفسه.. لأنه "خاوي" العقل فارغ أجوف.. مستني يتلقن.. و يردد زي الببغاء...
دول اللي لحد النهاردة مصممين إن القناة بتخسر.. و إن العالم عايش في رخاء و كل سكان أمريكا بيفطروا فواكه و عسل و لبن.. و في ألمانيا العاطل بياخد مرتب و يشجعوه يفضل صايع.. و في اليابان في روبوت بيهرشلك في المترو.. إلي آخر الخزعبلات اللي شربوها من هافينتجون بوست و رصد و الجزيرة و صفحات أيقوناتهم العباقرة.. اللي بقي لهم ست سنين ولحد دلوقتي مش عارفين حتى يعملوا حزب...
دول نفسهم اللي شايفين إن اللي حرق المجمع العلمي في السجن عشان "رأيه".. لأن حرق المباني "حرية رأي" زي ما انت عارف.. و دول نفسهم اللي سخروا من مساكن العشوائيات.. اللي كان حلم حياة معظم سكانها "سرير نظيف" و باب يتقفل عليهم.. و دول اللي سخروا من الرافال و الميسترال.. و دول اللي شتموا "فاتن حمامة" و "نور الشريف" الله يرحمهم.. أيقونات حقيقية في عالم الفن.. اللي زيهم لا يقدرها و لا يفهمها...
دول اللي شايفين إن الحرية بتتلخص في إني أشتمك.. أو ارمي عليك قنبلة مولوتوف و أحرقك حي.. أو أعمل برنامج كله إيحاءات جنسية فجة عشان أسخر من حد.. أو أهرب من كل مسئولية جاتلي و أروح أقعد في النمسا أكتب علي تويتر و بكده أبقي فاعل و مؤثر وعبقري..
دول عمرهم ماحيشوفوا شباب "مؤتمر شرم الشيخ".. لأنهم مبيشوفوش الوطنيين المحترمين المتعلمين.. بيشوفوا بس المسوخ و أشباه الرجال...
دول اللي بيتاجروا بالسياحة و الغلابة و تلاقيهم ناطين علي أي كومنت لأي أجنبي يقولوله: "ماتجيش مصر".. و يمكن ينظموا مظاهرة أمام سفارة أجنبية عشان يقولوا "ماتجيش مصر" برضه...
اللي سارحين يشتموا الرئيس و يهينوا الدولة ليل نهار بمنتهي الوضاعة ومحدش بيكلمهم.. في الآخر يقولك: "تكميم أفواه"...
دول اللي كانوا عايزين يعدموا "طنطاوي" في ميدان عام.. بس في نفس الوقت يتصالحوا مع الإرهابي اللي دمر ست دول في المنطقة..
دول اللي تتفرج عليهم فتلاقي نصهم ماترباش.. و سارح علي السوشيال ميديا يثبت للناس قد إيه هو قليل الرباية و أهله فاشلين و إنه بيحمل في أعماقه صفيحة قمامة متنقلة..
معندوش مانع أبدا يلاقي سيدة محترمة في سن والدته كاتبة رأي مخالف فيدخل بتعليق يخوض في عرضها.. ببساطة و سهولة.. زي أي كلب مسعور بتحاول تتواصل معاه.. السعار خلاه معندوش مخ.. حايعضك و بس..
أما الباقين.. شوية قاعدين جنب الحيط يحقدوا و يقولولك "بكرة تحصل ثورة جياع و تاكلوا بعض".. و شوية مساجين عشان اللي حرق مبني و اللي رمي ولاد من فوق أسطح.. و اللي كان قاعد علي النت يحرض علي الإغتيالات.. و اللي راح داعش و صحابه بيغطوا عليه إنه "مختفي قسريا"..
خسارة.. كان ممكن تبقوا شيء نضيف.. راقي و توجهوا طاقتكم اللي ضايعة في التفاهة و الانحطاط و التزوير و الفوتوشوب و الكذب و الهيافة.. و تعملوا شيء فعلا يدخلكم التاريخ...
كل واحد منكم كان ممكن النهاردة يتقال عليه "الأديب الشاب فلان".. "المخترع الشاب كذا".. "الباحث السياسي فلان".. "مجموعة الشباب أصحاب فكرة كذا"...
بس أنتوا اخترتوا الضياع علي النجاح... فضلتوا الخيبة علي التفوق.. و الهبل علي العمل...
الروح معدومة.. كلها حقد و كراهية و إسفاف و سفالة.. اتحولتوا من شباب ممكن يبقى نجوم تنور سماء العالم إلي "أهل عدم".. خواء.. أهل العدم أسوأ من أهل الباطل.. لأن الباطل ممكن يلاقي الطريق و بوصلته تصل للصح و دنيته تتغير و يغير حياة اللي حواليه للأفضل.. زي بناء متهالك.. ممكن يترمم و يبقي قوي.. أما المعدوم.. فلا يمكن رأب صدعه...
مش عارف إمتي تفوقوا وتقفوا وقفة مع أنفسكم زي الرجالة و تعترفوا بأنكم في طريق فشل مش حايوصل لأي مكان غير إن الناس تنفر منكم و تمقتكم أكثر و أكثر...
اللي يشوف "عيل" من دول النهاردة لسه مصمم علي الطريق دا.. يسيبه خلاص.. يتجاهله تماما كأنه مش موجود.. و يخليه ياكل بعضه لحد ما يفنى.. زي النار..
تجاهلوهم تماما.. و أميتوا الباطل بالسكوت عنه.. ماتستنزفوش طاقتكم مع حد...
الشباب الحقيقي اللي المفروض يتسمع و نركز معاه و نناقش أفكاره و نخرج منها بجديد.. و نحاول نوعي الناس و نفهمهم حقيقة اللي بيجري في العالم من خلالهم.. موجودين النهاردة في شرم الشيخ..
دول اللي يستحقوا نلتفت لهم.. و نسمعهم باهتمام...
و للشباب في المؤتمر: محدش يلتفت إلي "العيال" اللي بتطعن فيكم و تحاول تحبطكم.. اشتغلوا.. و خدوا بإيدينا نحو الأفضل..
إبدعوا و تألقوا.. دي لحظتكم.. لحظة نجاح.. لحظة عمل.. لحظة تفكير.. لحظة منطق.. لحظة عقل.. لحظة كفاح و عصف فكري راقي نظيف..
إبدعوا...
#ابدع_انطلق
منقول
الرجوع الى أعلى الصفحة اذهب الى الأسفل
 
الناس اللي عمالة تحقد و تسخر من مؤتمر شرم الشيخ.. هم نفسهم اللي سخروا من قناة السويس.. و "اتلقنوا" إنها "تفريعة"..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: