منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 في عيد البحرية المصرية .. خبايا وأسرار عن سلاح الغواصات المصري

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن الذهبى
عضو stars
عضو stars
avatar

اسم العضو : حسن الذهبى
الجنس : ذكر عدد المساهمات : 2434
تاريخ الميلاد : 11/03/1956
تاريخ التسجيل : 16/01/2014
العمر : 61
المزاج عال

مُساهمةموضوع: في عيد البحرية المصرية .. خبايا وأسرار عن سلاح الغواصات المصري   السبت أكتوبر 22, 2016 5:21 am


 من قبل ‏‎Mohammed Haffz‎‏.
23 ساعة · 
في عيد البحرية المصرية .. خبايا وأسرار عن سلاح الغواصات المصري
=======================================
.
ألف مبروك للبحرية المصرية و لكل المصريين . فبالأمس أعلن الفريق أسامة ربيع قائد القوات البحرية أن مصر سوف تتسلم أول غواصة من طراز TYPE 209 الألمانية الصنع في مطلع العام القادم - يعني بعد أقل من ثلاثة شهور من الآن .
الغواصة تايب 209 بتعتبر من أحدث الغواصات العاملة على مستوى العالم .... و لأن مفيش كتير يعرفوا حاجة عن سلاح الغواصات المصري و دوره العظيم و قيمته و تصنيفه العالمي ... و قد إيه بيتعمله ألف ألف حساب .... فدي فرصة نتعرف مع بعض على أقوى أسلحة البحرية المصرية وأكثرها غموضاً وسرية ، وهو سلاح الغواصات المصري.
.
و لأن السلاح ده بيعتبر طول عمره و حتي الآن سلاح سري سواء في تسليحه أو عملياته و بطولاته اللى محدش يعرف عنها حاجة .... و ممنوع الكلام عنه ..... فاحنا هنتكلم بطابع تاريخي شوية ... يعني معلومات قديمة شويه عسكريا ملهاش قيمة دلوقتي ، لكن أكيد حتكون جديدة للكثير مننا و بالقياس عليه ... حتعرفوا يعني إيه شعار البحرية " مصر المحروسة تحميها البحرية " ، و يعني إيه ان البحرية المصرية قادرة و مفترية من زمااااااان ، و يعني ايه الجملة اللى بتتكرر كل شويه " محدش يعرف قوة الجيش المصري الحقيقية " .
.
أولا البحرية المصرية من أقدم القوات البحرية على مستوى العالم ، و تمتلك كم هاااااااااائل من الخبرات القتالية المتراكمة عبر التاريخ ، و ده اللى وفر ليها القدرة على تكوين شخصيتها المستقلة و عقيدتها القتالية و أساليبها القتالية الخاصة دوناً عن أي بحرية أخرى على مستوى العالم .... و مصر تمتلك عددا من القطع البحرية يصنفها أنها أكبر قوات بحرية على مستوى الشرق الأوسط و على المستوى العربي و الأفريقي ، وهي مصنفة كسادس أقوى بحرية على سطح الأرض .... اما على مستوى الكيف ..... فالخبرات المتراكمه لدي البحرية المصرية ... تعوض بها فروق التكنولوجي عند مواجهة أي قطع بحرية أحدث منها ... فالعالم كله بيجري وبيحفى عشان ينول الرضا و موافقة مصر و قواتها البحرية على اجراء مناورات معها عشان يستفاد منها ، وآخرها كانت المناورة مع البحرية البريطانية العريقة من كام يوم ( رغم كل ما بيننا وبين بريطانيا من فتور ومشاكل سياسية )... لأنهم دائما و أبدا بيشوفوا تكتيكات قتالية و حلول عملياتية عمرهم ما درسوها و لا سمعوا عنها .
.
فدائما و ابدا تلاقي فصول كاملة تم الغاءها من المقرارات الدراسية في المعاهد العسكرية البحرية و تغيير العلم ذات نفسه بسبب تجارب قامت بيها قطع بحرية مصرية .... كان أشهرها استخدام لنشات صواريخ صغيرة لمواجهة مدمرة بحرية عملاقة و إطلاقها أول صاروخ بحري سطح / سطح في التاريخ ليغرق المدمرة ... ومن يومها اتغيرت التكتيكات البحرية تماما ... فالحدث ده مثلا كان ليه تأثير على بحريات العالم أجمع ... لأنه من ساعتها إتجهت الدول لتقليل الإعتماد على القطع البحرية الضخمة ثقيلة التدريع باهظة التكلفة واحلالها بقطع أصغر و أسرع وأخف وزنا وتدريعا بعد ما المصريين أغرقوا واحدة من أكبر وأثقل القطع البحرية في عالم ( المدمرة إيلات) بصاروخ إنطلق من على سطح زورق بحري صغير 
.
وبالرغم مثلا من التفوق الدائم في التكنولوجي ما بين سلاح البحرية المصرية و الاسرائيلية لصالح اسرائيل ... إلا أن البحرية المصرية دائما و أبدا ، ومن الخمسينات و حتي اليوم اللى بنتكلم فيه ، واخده البحرية الاسرائيلية " و اللى أكبر منها كمان " ورا مصنع الكراسي . فعمرك ما تسمع عن انتصار واحد للبحرية الاسرائيلية أو حتى استفزاز منهم ... و تلاقيهم دايما بيتكلموا بكل عنجهية وتفاخر عن سلاح الجو أو المدرعات بتاعهم .... لكن ييجوا عند البحرية و يحطوا وشهم في الأرض و متسمعش منهم غير صوت صرصور الحقل اليتيم  .
.
نيجي بقى لسلاح الغواصات المصري اللى طول عمره محير الأمريكان قبل الاسرائيليين نفسهم ... فمبدئيا كده و عشان نبقى على نور و حتى لا نقع في المحظور ... سلاح الغواصات المصري ســلاح ســــــري للغاية و الحديث عنه لازم يكون بحساب ... فهو أكثر سلاح مصري يكتنفه الكثيــــــــر من الغموض و محدش يعرف عنه حاجة .... يعني محدش يعرف مثلا وعلى وجه التحديد عدد الغواصات العاملة في القوات البحرية ولا تسليحها الحقيقي ... ناس تجتهد و تقولك 4 غواصات و ناس تقولك 6 و ناس تقولك 8 .... كل الكلام ده مش صح لسبب بسيط جدا ... انه بالفعل محدش يعرف معلومة مؤكدة ، و كلها اجتهادات مش أكتر.
.
و قبل ما الكلام ياخدنا و نقع في المحظور... نرجع بقى بالتاريخ و نتكلم عن بعض بطولات السلاح الفذ ده التاريخيه  . فاسرائيل لو بتقول ان القوات الجوية بتاعتها هي اليد الطولى لدولتها الزائلة .... فبدون أي مبالغة ، و بالأحداث و بالحقائق و الأفعال ، .... فسلاح الغواصات المصري هو اليد الطولى للقوات المسلحة المصرية ...من باب المندب الى جبل طارق .. و خلونا بقي نتكلم عن أشهر غواصتين في التاريخ العالمي البحري ، واللى اتغير العلم العسكري البحري أكتر من مرة بسببهم ، و هما... الغواصة 21 ...و الغواصة 24 ..، واللى كانوا واخدين اسرائيل و الأسطول السادس الأمريكي اللى كان بيحمي السواحل الاسرائيلية ورا مصنع الكراسي طوال حرب الاستنزاف ، وحتي بعد انتصار اكتوبر .... و كانوا بالفعل " البعابع " اللى مسببالهم الرعب  ، و كان كل بحريات العالم تتمنى تاخد أي معلومة أو خبرة من الغواصتين دول عشان يعرفوا ... هما بيعملوا الحاجات دي إزاي ؟؟؟؟
.
في الأول خلونا نتكلم يعني ايه غواصة ... مع الوضع في الاعتبار اننا بنتكلم عن تكنولوجي الغواصات اللى حاربنا بيها اسرائيل و امريكا من أكتر من 45 سنه مش التكنولوجي بتاعة دلوقتي ... فتخيل بقي مع التكنولوجي بتاعة دلوقتي نقدر نعمل إيه  
.
الغواصات بتمشي بوسيلتين للطاقة ... فبتمشي على السطح بالديزل ... و لما بتغطس بتوقف الديزل و بتمشي بالبطاريات ... بس البطاريات اللي تمشّي غواصة أكيد مش زي البطاريات اللى نعرفها ... دي البطارية الواحدة وزنها 850 كيلوجرام ... و اجمالي الأمبير الخارج منها حوالي 40 ألف أمبير .... فتخيل شكل كابل الكهربا اللى بيتحمل الجهد ده !! ... و لأن طريقة كشف الغواصة بتكون بالسونار أو بالصوت ... و لأن الماء موصل جيد جدا للصوت أكتر من الهواء .... فطقم الغواصة قلبل الكلام جدا و بيتكلم بالهمس أو الاشاره طوال فترة الإبحار ... و ممكن توصل إن القائد بيحدد للطاقم بتاعه عدد محدد من الكلمات يستخدمها طول اليوم .... و ده برضه لتوفير الأكسجين اللى هو روح الغواصة .... لأنك بالظبط في مقبرة محكمة تماما ... فحتى النفس محسوب عليك.
.
الغواصة من جوه مش زي ما بتطلع في الأفلام الأجنبية ... غرف واسعة و غرفة طعام فيها ترابيزه كبيرة و جنبها ترابيزه بنج بونج و ناس بتتمشي و الكلام الفاضي ده Very Happy ... الغواصة في الحقيقة هي كتلة ضخمه جدا اسطوانية و طويلة ... من الداخل عبارة عن ممر ضيق جدا طويل مقسوم الى قطاعات ... و على جوانبه مواسير و كابلات و مفاتيح و محابس .... فمفيش فيها مكان واسع ..... لدرجة انه لو فيه اتنين بيعدوا عكس بعض ... لازم يعدوا بجنبهم لأن الممر ضيق جدا ... و الإضاءه فيها خافتة جدا ... و صوت المكن بيدوي في ودنك 24 ساعه في اليوم ..... و نسبة عوادم ثاني أكسيد الكربون مرتفعة جدا وكذلك نسبة النيتروجين المنبعث من البطاريات حوالين منك ... عشان كده كل نسبة منهم بتقاس بميزان من دهب .... لأن أي زيادة في نسبة ثاني أكسيد الكربون أو النيتروجين عن الحد المسموح به و لو زيادة طفيفة ، ممكن يؤدي الى انفجار الغواصة بالكامل .
.
فـ أهم قاعدة بيتعلمها طاقم الغواصة في أول يوم ليهم بتقول: " إن الغواصة لا تغفر لطاقمها أبسط الأخطاء " .... فهي السلاح الوحيد اللى روح كل الطقم بتاعها متعلقة بيد كل واحد فيهم ... أقل خطأ من أي فرد فيهم بيضيع الغواصة تماما بالطاقم كله .... مفيش في الغواصات إصابات ... فيا إما الطقم كله سليم ... يا إما الطقم كله بالغواصة ممكن فعلا ميلاقوش جثثهم من أصله .
.
فتخيل نفسك قاعد في مقبرة مُحكمة الغلق عليك كالحبس الانفرادي ... تتنفس عوادم المكن و البني آدمين اللى معاك طوال 3 أسابيع ... و أكسجين قليل جدا لدرجة انك مش بتتكلم و بتعد أنفاسك عشان توفر الأكسجين ..ممنوع تهزر..ممنوع تضحك .. وكمان متوقع انفجارك في أي ثانية بسبب عدو ليك أو غلطه فرد واحد من الطقم اللى معاك .... و ليك مقنن من الميه بمقدار كوب ماء أو أكثر قليلا في اليوم ... تستخدمه في الشرب أو النظافة الشخصية، لكن ملكش غير المقنن ده بس ...... و درجة الحراره بسبب المحركات تزيد عن 50 درجة مئوية ..... و ريحة الجاز و الشحم تزكم الأنوف ..... و مطلوب منك انك تحارب وتواجه قطع بحرية أحدث منك بكتيييير و بتتفوق عليهم بكل روح معنوية عالية ..... و لذلك .... فـ فرد الغواصات بيتنقى على الفرازة .... و إعداده بيعتبر تاني أكتر فرد في القوات المسلحه تكلفةً بعد الطيار ..... لأن فيه ناس ممكن و هي تحت تجيلها لوثة أو هياج من مجرد الإحساس بالحبس لفترة طويلة ومن ظروف المعيشة القاسية جدا ... أو من التسمم بثاني أكسيد الكربون.
.
و بنظرة تاريخية .... فسلاح الغواصات المصري تم انشاؤه عام 1954 على يد اللواء السويفي ... بغواصات روسية تم استلامها من مواني بولندا ... و في عام 59 تم توقيع اتفاقية مع روسيا لتزويد مصر بعدد الغواصات الحديثة ... و لكن بشرط تعجيزي ... انه كان عندنا غواصتين روسيتين متهالكتين لازم يتنقلوا روسيا لتخريدهم ( من الخردة) هناك ... و لأن الاتحاد السوفيتي ساعتها كان في أوج قوته ... كان بيعتبر سلاحه من الأسرار العليا .... فاشترط علينا إنه لازم تتنقل الغواصات دي الى روسيا ... وده معناه رحلة بحرية من الاسكندرية وبطول البحر المتوسط لحد مضيق جبل طارق غربا ، ثم الدخول في المحيط الأطلنطي والاتجاه شمالاً لمئات الأميال والدخول لبحر الشمال ثم بحر البلطيق حتى الوصول لسواحل الموانئ الروسية ..يعني باختصار الدوران حول قارة أوروبا كلها من الغرب..يعني رحلة الموت


الغربية إنه لما مصر طلبت من السوفييت انهم يبعتوا أطقم بحارة روس يسافرا بيها ... رفضوا تماما خوفا على أطقمهم من الغرق بيهم .


.
المشكلة الأكبر إنه بالفعل كانوا الغواصتين دول غير صالحين للإبحار بأي شكل من الاشكال وخصوصا في رحلة بحرية طويلة بالشكل ده .. و حتى لو الغواصة مشت على وش الميه بدون غطس .... الخبراء الروس قالوا إن الغواصتين دول لو عاموا على وش الميه ، ووصلوا بس الى مضيق جبل طارق من غير ما يغرقوا ... فدي هتكون معجزة بكل المقاييس ...و لأن حصول مصر على الغواصات الحديثة كان مسألة حياة أو موت ... فتم اتخاذ القرار الصعب .


تم الإبقاء على أكثر الأطقم خبرة وكفاءة في مصر ... و تم تشكيل طاقمين آخرين من الرجال الأقل خبرة عشان يسافروا بالغواصتين لروسيا .... عشان لو غرقوا - و ده كان الاحتمال الأكبر- متكونش الخسارة فادحة لسلاح الغواصات المصري ... و في حالة تحقق المعجزة ووصول غواصة واحدة منهم على الأقل .. يرجع الطقم اللي سافر و يسافر الطاقم الرئيسي بالطائرة ليتلقى التدريب على الغواصات الحديثة و يعود بها الى مصر.
.
الغريبة بقي ان الطقم اللى سافر كان عارف الكلام ده كويس ... و بالرغم من كده قبلوا المهمة بكل روح معنوية عالية .... و بتحدي للموت نفسه ... و عند الحديث الى أحد افرادها " ربنا يديله الصحة وطول العمر " ... قال .... " كنا في أعلى روح معنوية و كنا بنهزر و نضحك و محدش كان بيفكر في أهله أو عياله ... لكن كل تركيزنا اننا ننجح ، مش بس عشان نعيش ، لكن عشان مصر تاخد الغواصات الحديثة بأي تمن " .... 
.
و كان فيه تحدي تاني ... ان الغواصة هي القطعة البحرية الوحيدة اللى ممكن ضربها فورا عند مشاهدتها .... لأنها تعتبر جاسوس مالوش دية ... فالسفر بها على وش الميه كده هو الإنتحار بعينه ... لكن اللى حصل إن الغواصتين سافروا الى روسيا من الاسكندرية مرورا بليبيا ثم تونس فالجزائر فالمغرب ثم مضيق جبل طارق الى المحيط الأطلنطي ثم خليج البسكاي " بسواحل فرنسا الغربية ، و ما أدراك خليج البسكاي " ... فهم يسمونه مقبرة السفن ..لأنه بالفعل أصعب و أخطر ممر ملاحي في العالم ... و أكبر القطع البحرية بتغرق فيه بسبب ارتفاع و قوة أمواجه وسوء طقسه وكثرة العواصف والرياح به أغلب اوقات السنة ، فما بالك بغواصة قديمة ومتهالكة ... لدرجة عند دخولهم خليج البسكاي وصلتهم أغرب برقية من قيادة القوات البحرية ..... و لا ينساها أي فرد من أطقم الغواصة حتي الآن ... و كانت من جملة واحدة بسيطة ، لكنها تحمل معاني خطيرة ..الرسالة كانت " الله معكم ... نحن سنرعى أولادكم " 
.
المهم ... تحققت المعجزة .... ووصلت الغواصتين للمواني الروسية ... و بالرغم من ان الاتحاد السوفيتي كان في أوج قوته و عنفوانه ... و الروس ف العادة مش بيحبوا المجاملات و الكلام ده ... لكن أول لما قربت الغواصتين من المياه الروسية ... تفاجئوا بقطع بحرية روسية طالعة تستقبلهم في احتفالات صاخبة ... و دخلوا المينا وسط إطلاق كل القطع البحرية السوفيتية أبواقها في زفه و هيصة كبيرة ... و فوجئوا إن ا قائد المنطقة الشمالية السوفيتية مستنيهم بنفسه.... و صمم انه يسلم على الطاقمين واحد واحد ... و كان بيسلم عليهم و يشد على إيد كل واحد فيهم و كان لسان حاله بيقول .... إنتوا جيتوا لحد هنا إزاي ؟؟ هو انتوا بني ادمين زينا ؟؟؟  
.
المضحك انه بعد الواقعة دي ، روسيا بعتت لمصر رسالة بما معناه انهم مش عايزين مصر تبعت الصف الأول لتدريبه كما كان مخططا .... بما معناه .... اذا كان اللى انتوا بعتوهم دول يبقوا الصف التاني أو بالبلدي كده الكسر ، أومال الصف الأول ده شكله ايه Very Happy ... متبعتوش حد ... احنا عايزين دول ... و هما اللى هيستلموا الغواصات الجديدة ... دول اتخلقوا عشان يكونوا رجال غواصات ... و ده كان بداية تكوين أعظم طاقمين لأعظم غواصتين في التاريخ العالمي و هم طاقمين الغواصة 21 و الغواصة 24 
.
المهم الطاقمين دول مكدبوش خبر ... و حطموا رقم الغطس السريع اللى كان مسجل أصلا باسم أساتذتهم المصريين من راجل الطاقم الأول اللي فضلوا في مصر ... يعني ايه ؟؟؟ ..... الغواصة و هي ماشية على وش الميه و عند وجود خطر عليها مثل ظهور طائرة أو تهديد ليها ، لازم تغطس بسرعة للعمق الآمن .... و الرقم القياسي العالمي المسجل باسم الألمان كان 25 ثانية .... لكن رجال الصف الأول في مصر كسروا الرقم ده و محدش عرف يوصلهم على مستوى العالم ... المهم الطاقمين دول و هما في روسيا كسرو الرقم اللى أصلاً مسجله المعلمين بتوعهم في مصر بكتييييييير Very Happy .... و قامت القيامة هناك .... وقفوا التدريب و جم الخبرا عايزين يعرفوا ايه اللي بيحصل بالظبط ..... القصة ان القادة المصريين كانو بيستخدموا أسلوب في الغطس مغامر جدا ... و بيعتمد على كفاءة كل أفراد الطاقم .... و على فكرة ... حتي الآن اسرع عملية غطس سريع على مستوى العالم بيعمله المصريين و محدش عرف يقرب من الرقم اللى بيعمله رجال الغواصات المصريين .
.
الغواصتين دول لما رجعوا بهدلوا اسرائيل ... و كان المشوار السهل ليهم هو الشواطئ الاسرائيلية .... و كان فيه دايما غواصة مصرية داخل المواني الاسرائيلية ... فكل شحنة سلاح كانت بتوصل المواني الاسرائيلية ... بتكون غواصة منهم مستنياها في المينا ... بتصور و ترصد كل صندوق بينزل منها و كل واحد واقف على الرصيف .... و كل محاولات البحرية الاسرائيلية باءت بالفشل في منع الغواصات المصرية من الانتهاك المتكرر لعذرية موانيها ... و حتي باستعانتها بالأسطول السادس الأمريكي .... كانت المطاردات و الكر و الفر و مهارات التخفي و الاذلال في صالح سلاح الغواصات المصري .
.
و حتي في المرة الوحيده اللى حبت اسرائيل تعمل فيها " برم " ... بعتت أحدث غواصة عندها بأمهر طاقم عندها ... بأمهر قائد - و كان ألماني يهودي - ... تم أسره هو و الغواصة بتاعته على مشارف ميناء الاسكندرية ... بعد التعامل معها بقنابل الأعماق و محاصرتها حتي خرج على السطح ليعلن استسلامه ... و ليقف على ممشى الغواصة و يؤدي التحية العسكريه لقائد الغواصة 21 على حرفيته العالية بعد تحديه له بأنه لن يغرقه ، و لكن سيأسره حياً بالطاقم بتاعه بغواصته نفسها  
الرجوع الى أعلى الصفحة اذهب الى الأسفل
 
في عيد البحرية المصرية .. خبايا وأسرار عن سلاح الغواصات المصري
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: