منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 الإعلانات التجارية ..رسائل خفية لتغيير وعي المجتمع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن الذهبى
عضو stars
عضو stars


اسم العضو : حسن الذهبى
الجنس : ذكر عدد المساهمات : 1772
تاريخ الميلاد : 11/03/1956
تاريخ التسجيل : 16/01/2014
العمر : 60
المزاج عال

مُساهمةموضوع: الإعلانات التجارية ..رسائل خفية لتغيير وعي المجتمع   الخميس أكتوبر 20, 2016 6:48 am

تمت إضافة ‏‏4‏ صور جديدة‏ من قبل ‏‎Mohammed Haffz‎‏.
‏13‏ ساعة · 
الإعلانات التجارية ..رسائل خفية لتغيير وعي المجتمع
=============================
امبارح بيريل نزلت علي صفحتها إعلان فيه صورة شهادة إعفاء من التجنيد و بتقول إن دي أسعد لحظة في حياة أي شاب..
في الحقيقة أنا مش فاهم إيه علاقة التسويق للمنتج باعلان قذر زي ده ؟ يعني البوست كله مفيهوش أي كلمة بتروج للمشروب اللي بيصنعوه ولا حتى جابوا أسمه و لو بطريق الخطأ ...!
.
وديوركس مصر منزلة واقي ذكري مموه على شكل خوذة جندي.. و كاتبه عليها "أمن نفسك"...
معلش هو الإبداع دا مابنشوفوش ليه في دول تانية ؟ مشفناش إعلان أمريكي بيسخر من "معركة نورماندي D Day" أو إعلان فرنسي بيسخر من "يوم الباستيل Bastille Day".. و اللا إعلان إماراتي بيسخر من عيد الإتحاد..؟؟
إشمعنى القيء الإبداعي دا بتطرشوه عندنا بس ، و لما بتسوقوا منتجاتكوا فبي دول تانية بتحترموا نفسكوا؟؟
.
القصة في مصر باختصار.. إن شركات الإعلانات هما خمس ست شركات بالكتير.. طالع منهم أكتر من 100 شركة أصغر.. و ساعات الشركة الأصغر بتتفرع لشركتين أو تلاتة...
الخمسة الكبار كلهم بيتعاملوا مع مخرج إعلانات معين.. بيقى اسمه "الكرييتف دايركتور Creative Director"...
دول عددهم في مصر 3 أو 4.. الكبار التقال.. اللي بيوزعوا السكريبت زي ما يكونوا بيوزعوا البركة على القطيع الأصغر..
أخينا "الكرييتف دايركتور creative director" الكبير دا لا هو كرييتيف و لا نيلة.. و لا له علاقة بالكرياتيفيتي.. دا بيبقي مجرد حمار بيجيله السكريبت من بره.. من برا مصر بتعليمات معينة.. "إسخر من الجيش".. "سفه من انتصار اكتوبر".. "حرض على التجنيد".. إلخ.. و بيبدأ يوزع...
عميل وش يعني.. اللي شغالين في مجال الدعاية فاهمين كويس أوي اللي انا باتكلم عنه...
.
كان فيه إعلان مشهور لشركة إتصالات بسكريبت جاي من "كرييتف دايركتور من الكبار دول اسمه "علي علي".. بتاع اتصالات..
فاكره؟ إعلان "إتصالات" اللي بيحول حرب أكتوبر "لفيلم حد بيعمله عليك".. سخرية من حرب أكتوبر و الدم اللي فيها.. سخرية من الدم بألفاظ صريحة.. و استهزاء بملحمة الطريق إلي إيلات.. و قل لي.. بيزرع إيه في عقلك و عقل ولادك الباطن؟
.
المهم.. بيطلع من تحت إيد الكبير دا.. عيل عبيط زي بتاع فاهيتا.. و عبيط تاني زي الأقرع بتاع "زيزو سونج".. ناس معينة بتتلمع بالطريقة دي.. و بتعليمات الـ "كرييتف دايركتور، أو.. بمعنى أدق.. بالتعليمات اللي "جت له"...
لو تلاحظ لما بتيجي التعليمات.. بتبقي حملة.. بتلاقي كذا اعلان بنفس التوجيه.. مش واحد...
دا يأكدلك إنها "تعليمات بيستلمها الكرييتف دايركتور"...
.
طيب دلوقتي دي صفحة المنتج نفسه.. مش صفحة لشركة دعاية.. معلش.. ماهو اللي بيشتغلوا في الشركات الكبري في أقسام الدعاية.. بيكون معظمهم "سقط" شركات الإعلانات دي.. و بعضهم بيتم تسليفه للشركة بطريقة " التعهيد outsourcing" يعني الشركة بتاعة الدعاية مسلفاه للمنتج.. و بالتالي الأب الروحي لهم بيبقى واحد من الكبار دول و بينفذوا الأفكار اللي بيقولهالهم...
.
الموضوع دا طويل و معقد شوية.. بس لنا معاه بوست تفصيلي.. بتسلسل منطقي.. بيوضح أوراق اللعبة دي كلها...
.
لو فاكر إني بأفور أو مسكون بنظرية المؤامرة وبأحمل الأمور أكتر مما تحتمل ، سأحيلك للفور إلى حوداث ومصادر علمية أجنبية ، اتكلمت قبل كده كتير عن موضوع الميديا وكيفية تمرير رسائل مبطنة من خلال الإعلانات والأعمال الفنية للمجتمع لتوجيهه بشكل معين .
أول واحد إتكلم عن الموضوع كان سنة 1957.. أستاذ علم نفس اسمه "فانس باكارد Vance Packard".. في كتاب "المقنعون المخفيون The Hidden Persuaders" و اتكلم عن إزاي الإعلان بيمرر لك رسالة خفية.. ماتشوفهاش.. مموهة.. تخليك تعمل حاجة معينة.. الكتاب حقق مبيعات مذهلة..
جه بعده أستاذ علم نفس اسمه "براين ويلسون كي Wilson Bryan Key" و كتب كتاب اسمه "الإغواء المموه Subliminal Seduction" و قال.. إن الجنس من الحاجات اللي بيحبها العقل البشري لأنها بتصحي فيه غريزة بيولوجية للتكاثر و الحفاظ علي النوع.. و إن ممارسة الجنس بتفرز في الجسم إندورفينات.. و دي من مضادات الألم.. و بتشعرك و تحسسك بالسعادة..و اتهم شركات إعلانات معينة صراحة انها بتدس صور و كلمات جنسية مبتشوفهاش العين بس بيقراها العقل الباطن تلقائيا.. بتخليك ترتاح للمنتج.. و لما تشوفه او تفتكره تفرز الهرمونات دي فتحبه و تشتريه...
انتشر الكتاب.. و الناس بدأت تقتنع به.. فالشركات ساعتها راحت عاملة حملة شرسة علي "براين" و سخروا منه.. و نزلوا عليه كوميكس و نكت و كاريكاتيرات.. و اشتروا واحد من مساعديه قال إن التجارب اللي قام بيها ويلسون لإثبات وجهة نظره هو بنفسه اللي زيفها له.. و بقى الطبيب النفسي الكبير مثار سخرية.. و صمت علماء و أستذة الطب النفسي.. و خافوا علي سمعتهم.. خصوصا إن هيبة ويلسون ضاعت تماما في الأوساط العلمية وقتها...
لكن الساخرين كلهم خرسوا بعد كتاب ويلسون بثلاثة شهور.. لأن الكتاب كان وقع في إيد لجنة الإتصالات الفيدرالية الأمريكية، اللي قرته و بحثته.. ووزعت منشور علي محطات البث حذرت فيه المحطات من استخدام الوسائل اللي أشار إليها "ويلسون" لأنها "تضر بمصلحة الجمهور"...
بعد الحادثة دي ، الموضوع اتقنن و بقى علمي.. و إتضح إنه قديم من العشرينات بيتم في الإذاعة المسموعة عن طريق موسيقي محببة أو همس بكلمات معينة في خلفية الصوت.. و أول من استعمله كانت البي بي سي في أول بث إذاعي...
صدرت عشرات من الكتب و الابحاث ورسائل الدكتوراه اللي بتتكلم وبتدرس الموضوع و تبحثه و تكشف خباياه.. و أي حد درس تسويق بيدرس الرسائل المستترة دي...
و كالمعتاد تلقفت أجهزة المخابرات الفكرة.. و بدأت تطبقها سياسياً ..وأشهر مثال
على التوظيف المخابراتي ده كان في الحملة الانتخابية ، اثناء احتدام المنافسة الشرسة بين "بوش" و "آل جور".. 
في الوقت ده كان بوش عمل إعلان بيهاجم فيه نظام آل جور للتأمين الصحي و العلاج و اتكلم عن البيروقراطية ..
و لأجزاء من الثانية ظهرت على الشاشة آخر ثلاث حروف من كلمة "بيروقراطيين Bureaucrats" حروف كلمة "Rats" يعني "فئران"...
الحركة دي أدت لنفور معظم الناخبين من "آل جور".. بالرغم من انهم ماشافوش الكلمة بعنيهم.. بعقلهم الباطن فقط.. بس حملة آل جور مسكتها و اتهمت بوش بدس رسالة مستترة.. و بوش أعلن إن دا "خطأ تقني"..
ولأن الفئران و القوارض شيء مقزز منفر عند معظم البشر.. العلماء "جويل و درو Joel Weinberger and Drew Westen" كرروا التجربة بعدها.. و لقوا إن عرض الكلمة نفسها "فئران rats" مع أي محتوى.. سببت نفور للمشاهد مافهمش سببه.. عكس كلمات زي "نجوم" و "حب" ظهرت لجزء من الثانية و ماتشافتش بالعين و خلت المشاهد متقبل المجتوى الإعلاني و سعيد بيه..
فيه حركة تانية خبيثة جدا عملها بوش في آخر أيام الانتخابات مع آل جور.. خرج "بن لادن" في فيديو مسجل و أعلن للأمريكيين إنه "ليس من الحكمة أن ينتخبوا بوش"..
و بكده.. في عقل المشاهدين تلقائيا.. بقى "آل جور" هو مرشح "بن لادن"...!
.
مدير الإف بي آي السابق "روبرت مولر Robert Mueller" أعلن مرة صراحة: "ممكن اللي تكون مصدق أنك شفته بعينيك يكون مش موجود أصلا.. إحنا خلقناه في راسك"...! و يقال أن التصريح دا كان أحد الأسباب اللي كلفته منصبه في 2013...
دا يخليك تفهم ليه ساعات بتكلم واحد يقولك: "الشرطة اختفطت فلان و عندي 100 دليل".. تطلب منه دليل واحد منهم.. مايلاقيش و يرتبك.. هو محصلش أصلا.. هو "اتزرع في رأسه"...
الموضوع دا مش بيتعمل في الإعلانات بس.. بيتعمل في الافلام.. بيتعمل في الصور و الكوميكس.. بيتعمل في أي ميديا مرئية...
.
بس أوان السكوت علي القرف دا فات خلاص.. على فكرة يمكن ناس تعرفني عن قرب تستغرب من كلامي لأني فعلا مشروبي المفضل "كان" بيريل.... "كان"...
هعيش علي فكرة عادي لو مشربتهاش تاني.. مش هموت...
لما تتعلموا تبطلوا سفاهة و تبطلوا قذارة و لعب بعقول الناس..
لما تتعلموا تشغلوا الشباب النضيف اللي بيدور علي شغل بدل قاذورات شركات الدعاية.. الشباب النضيف بتاع الدعاية اللي بتضطهدوه و تمشوه حتي من الشغل عشان تجيبوا البهايم المأجورة اللي بتشغلوها...
لما تتعلموا تحترموا البيوت اللي بتدخلها الإعلانات و تبطلوا تستهدفوا الشباب و عقلهم الباطن...
لما تتعلموا تعتذروا و تقولوا "إحنا آسفين دا أدمن وقح و خدنا إجراءات لإنهاء عقده"...
يبقى لكم عيش وسطنا...
مش بتقولولنا "نسترجل"؟ ماشي..
اللي يشتري علبة ديوركس أو بيريل من اللحظة دي يبقى فعلا مش راجل...
إحنا بقى هنعلمكوا الرجولة...
#مقاطعة_بيريل
#استرجل_وقاطع_بيريل
.
---------------------------
الرجوع الى أعلى الصفحة اذهب الى الأسفل
 
الإعلانات التجارية ..رسائل خفية لتغيير وعي المجتمع
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: