منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 القوة المكانية المصرية تتحدث عن نفسها....لاتنين مرشحي الرئاسة الأمريكية ، ترامب و هيلاري ، حرصوا على لقاء الرئيس المصري

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن الذهبى
عضو stars
عضو stars
avatar

اسم العضو : حسن الذهبى
الجنس : ذكر عدد المساهمات : 1908
تاريخ الميلاد : 11/03/1956
تاريخ التسجيل : 16/01/2014
العمر : 61
المزاج عال

مُساهمةموضوع: القوة المكانية المصرية تتحدث عن نفسها....لاتنين مرشحي الرئاسة الأمريكية ، ترامب و هيلاري ، حرصوا على لقاء الرئيس المصري    الثلاثاء سبتمبر 20, 2016 7:29 am

‏ من قبل ‏‎Mohammed Haffz‎‏.
‏5‏ دقائق · 

الاتنين مرشحي الرئاسة الأمريكية ، ترامب و هيلاري ، حرصوا على لقاء الرئيس المصري ، و ده بيدي دلالة واضحة على مصر 30 يونيو...
بعد 30 يونيو و عزل مندوب جماعة الإخوان الإرهابية، محمد مرسي.. فوجئنا بوزير الدفاع الروسي جاي في زيارة لمصر، عشان يلتقي وقتها بوزير الدفاع المصري، المشير عبد الفتاح السيسي...
بعدها وفد ياباني يلتقي بمسئولين مصريين و يتفقد الأوضاع الأمنية بالأقصر لرفع حظر السفر إلى مصر في 9 أكتوبر 2013 .. ووراه وفد كوري في 6 نوفمبر 2013...
و بعد شهرين، نتفاجيء بدعوة من الرئيس الروسي لوزير الدفاع المصري وقتها المشير عبد الفتاح السيسي انه يزور موسكو ، وده كان في 12 فبراير 2014...
و بعدين يفوز المشير عبد الفتاح السيسي في الإنتخابات في مايو 2014 و يصبح رئيس الجمهورية عبد الفتاح السيسي.. فيجيلك وفد إيطالي رفيع المستوى يزور اتحاد الصناعات المصرية...
و بعدين اليونان و قبرص و فرنسا...
و بعدين تتواصل معاك كوريا الشمالية و تديلك صواريخ...
و بعدين روسيا "تُهدي" مصر قوارب إطلاق صواريخ في 15 أغسطس 2015..
انت عايز سلاح و ممعاكش فلوس؟ أنا لسه حاستني لما تجمع فلوس و تشتري؟؟ خد هدية...
و بعدين تجيلك البحرية الصينية تتعاون مع البحرية المصرية...
و بعدها فلاديمير بوتين يزور مصر، و تملأ صوره الشوارع، و يلتقي بالرئيس السيسي في 26 أغسطس 2015، في اجتماع مغلق، اللي تحصل عليه المراقبون منه "هو ليه بوتين و السيسي لابسين زي بعض"..
و بعد لقاء فلاديمير بوتين و عبد الفتاح السيسي بشهر واحد، و تحديدا في 30 سبتمبر 2015، تتدخل روسيا في سوريا رسميا، و يبدأ سلاح الجو الروسي يوجه ضربات للإرهاب هناك.. و يخرج الرئيس الأسد يتكلم عن أن التعاون الأمني الاستخباراتي بين سوريا و مصر لم ينقطع لحظة...
و فجأة يبدأ الإرهاب في سوريا يتلقى ضربات موجعة من الجيش الروسي.. و يستعيد الجيش السوري عافيته و يخرج من منطقة الحصار الضيقة و يستعيد آلاف الكيلومترات و يحررها من الإرهاب و يردها لأهل سوريا...
و يبدأ الإرهاب في خطة بديلة لنقل قواعده إلي ليبيا، فيتلقى ضرات موجعة من الجيش المصري.. و يبدأ الجيش الليبي يسترد عافيته و يسيطر ببطء...
و تحاول أمريكا تزج بيك في مستنقع اليمن و تدفعك لتدخل بري و تفشل...
و تعمل مؤتمر اقتصادي و يدعونك لقمة العشرين، و بعدين يرتفع تصنيفك الإئتماني عالميا و تبقي مستقر...
و بعدين تجيلك الصين و توقع معاك 60 مذكرة تفاهم...
خد بالك ، إحنا مارحناش لأي دولة من الدول المذكورة دي...
هُمّا اللي جم لحد عندنا...!
جم لحد عندنا لدرجة إن قوة عظمى دولية زي روسيا بتأمّن عليك و تشوف موقفك قبل ما تاخد قرار بالتدخل في سوريا..
و بعدين تحفر قناتك الجديدة و ييجي عندك ممثلي كل الدول اللي كانوا بيقولوك: "إنقلاب.. و الشرعية".. و يحتفلوا معاك و يعترفوا بنظامك أمام العالم أجمع...
ما هو أصل الحكاية إيه ؟
الكل بعد 30/6 أدرك إن فيه عقدة اسمها "مصر"...
بلد و هي منهكة.. ضعيفة.. منهارة.. الإحتياطي بتاعها تراجع لمعدلات تاريخية.. و خارجة من ثورتين ، و معندهاش استثمار و قطاعاتها مترهلة نخر فيها الفساد و الروتين.. و مع ذلك وقفت في طريقك و عطلت خططك...
إنت كدولة فرضت نفوذك حتى في الأمم المتحدة و مجلس الأمن.. و عطلت مشروع اسرائيلي للاعتراف بالجولان و وقفت للولايات المتحدة الند بالند..
الدولة المصرية - حتى وهي في أضعف حالاتها - نجحت إنها تفرض أجندتها على الجميع ، و فككت الأحلاف والتكتلات بشكل غير رسمي.. و بعدما كان التكتل الغربي بيكلمك علي إنه "إتحاد أوروبي" و "حلف ناتو".. بقت الدول تيجي في حجرك واحدة واحدة.. و تكلمك كدولة منفردة...
كل دول جولك.. طالما مصر دي عقدة و صلبة للدرجة دي.. يبقي مش حاتنكسر..
انت عندك مشاكل الدنيا كلها.. و عندك فساد و روتين و غباء إداري و عجز موازنة.. و مع ذلك عملت كل دا.. و بتحاول تعمل اكتفاء ذاتي من قمحك و تلغي حاجة اسمها "عشوائيات" و تحسن المواصلات و التموين إلي آخره ....
طيب خلاص..
يبقى نروح نتفاوض مع مصر..
نوقع اتفاقيات مع مصر..
نستثمر في مصر.. نعمل لمصر محطات كهربا.. و نعمل منطقة روسية صينية في محور قناة السويس..
"نسلّح" مصر.. لدرجة إنهم "يهدوك" اسلحة.. و يدولك طائرات مقاتلة و قاذفات و حاملات مروحيات و أقمار صناعية.. و ادفع يا سيدي بالتقسيط علي مهلك.. مش عايزين دلوقتي...
و في النهاية يحرص مرشحي الرئاسة الأمريكية على مقابلتك والاجتماع بيك.. و تبقي الزعيم العربي الوحيد اللي التقي بالاتنين..
حتى أعدائك اعترفوا بالحقيقة دي.. إنك عقدة.. و إنك قوة عظمي إقليمية..
أيوه أنت قوة عظمى إقليمية ونفوذك قوي في القارة السوداء و آسيا و المتوسط..
و لما يقر خصومك بالحقيقة دي.. يتقدملك طلبين من تركيا و قطر في يوم واحد.. عشان يلتقوا بيك.. و أنت ترفض...
كل دا و احنا منهكين.. مرهقين ماديا و مديونين و عندنا فساد و روتين و خلافه...
الكلام دا كله حصل في أقل من سنتين...
يبدو إننا لو اشتغلنا ووقفنا علي رجلينا نقدر نعمل كتير أوي...
يبدو إنه لو رجل الشارع المصري أدرك إننا "قوة عظمى إقليمية" و تملكه الحماس يقدر يعمل كتير أوي..
عشان كده لازم المعلومة دي ما توصلش لرجل الشارع ـ لازم الإعلام ينشغل طول الوقت بالشائعات و الكلام الفاضي.. و مايوصلش المعلومة دي للناس..
لازم مايشوفش شغله صح...
.
بس أنت لازم تدرك دا.. إنك في مصر.. وإن مصر هي "قوة عظمى إقليمية" نفوذها بيتزايد كل يوم.. حتي لو الإعلام أخفى عنك دا.. و استخف بعقلك و قعد يشتت تفكيرك ويشغلك بلون السجاد و السيراميك و شكل الكرسي.. و ضيع وقتك في مناقشة الشائعات و الكلام الفارغ...
لازم تعرف دا و تشتغل على أساسه...
صدقني نقدر نعمل و نغير كتير...
Yes we can Smile 
.
-----------------------------
By: Alaa Hammouda







أعج
الرجوع الى أعلى الصفحة اذهب الى الأسفل
 
القوة المكانية المصرية تتحدث عن نفسها....لاتنين مرشحي الرئاسة الأمريكية ، ترامب و هيلاري ، حرصوا على لقاء الرئيس المصري
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: