منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 بعد كل شرمطة أمريكا...ماسمعناش من النشطاء و المأجورين غير صمت القبور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن الذهبى
عضو stars
عضو stars
avatar

اسم العضو : حسن الذهبى
الجنس : ذكر عدد المساهمات : 1900
تاريخ الميلاد : 11/03/1956
تاريخ التسجيل : 16/01/2014
العمر : 61
المزاج عال

مُساهمةموضوع: بعد كل شرمطة أمريكا...ماسمعناش من النشطاء و المأجورين غير صمت القبور   الإثنين سبتمبر 19, 2016 5:34 am

[list="_2t4u clearfix"]
تمت مشاركة ‏منشور‏ ‏‎Mohammed Haffz‎‏ ‏16‏ دقيقة · تمت إضافة ‏‏2‏ صورتين جديدتين‏ من قبل ‏‎Mohammed Haffz‎‏.‏14‏ ساعة · لما سوريا أسقطت مقاتلتين إسرائيليتين، ماسمعناش من النشطاء و المأجورين غير صمت القبور.. مع إن الخبر دا المفروض يسعد أي شريف بيعتبر إسرائيل عدو بيجور علي دول شقيقة، و بيحرك الإرهاب في المنطقة في حروب عصابات بالوكالة لا أول لها و لا آخر...لما هاجم النشطاء الجيش المصري و طعنوا في مصادر دخله و ميزانيته، و حولنا المناقشة إلى الجيش الأمريكي، اللي بيضيع مليااااراااات الدولارات اللي الأمريكان نفسهم مش عارفين هي راحت فين بالضبط.. فوجئنا منهم بدفاع مستميت عن الجيش الأمريكي...!دا برضه مش مفهوم أبدا من ناس قعدوا يصدعونا سنين طويلة ويزايدوا على الجميع ويبرروا سبب ثورتهم على النظام المصري لأنه "نظام منبطح لأمريكا".. وقرفونا بأن "النظام السوري عميل إسرائيلي".. إلخ...لما الجيش الليبي استرد منطقة الهلال النفطي، فوجئنا بنفس صمت القبور مرة أخرى...صمت طويل حزين مغلف بالغيظ.. سببه مش مفهوم إطلاقا ، خصوصا لما تعرف إن الجماعة دول قالولنا إنهم "ثاروا على الأنظمة لأنها عميلة لأسرائيل"...لما مصر قصفت داعش في ليبيا.. خرج علينا الجماعة إياهم بفاصل طويل من التأوهات ، وقعدوا عيطوا و يبكوا علي الأطفال اللي مصر قصفتها...! مش عارف إيه الأطفال دي بالضبط ؟ و اللا تكونش داعش فاتحة في معسكراتها حضانة و اللا إيه ظروفهم بالضبط ؟!!.. بس هو دا التصريح الكوميدي اللي سمعناه بالمللي وقتها....لما روسيا قصفت الإرهابيين في سوريا، سمعنا نفس صعبانيات الولولة و النحيب.. روسيا بتقتل الأطفال.. لأ دا التصريح الأكثر كوميدية ومأساوية اللي أطلقه حمير قناة الجزيرة كان: روسيا "تستهدف" الأطفال...يعني لك أن تتخيل الجنرال "سيرجي شويجو" وزير الدفاع و هو بيخاطب قائد القوات الجوية الروسية و بيقول له: "إيه العيال اللي بتشتري عسلية هناك دي ؟؟ إزاي سايبينهم ؟.. دول لازم يتصفوا فورا".. فيتحرك الطيران الروسي يقصفهم...دا يديلك فكرة عن مدي "الكفاءة العقلية" للسادة النشطاء و الثوار بأجر في فبركة الأحداث.. يعني مش بيديلك تصريح خارج حدود المنطق بس.. لأ دا خارج حدود العقل نفسه على الإطلاق....امبارح اللي حصل إن القوات السورية كانت مشتبكة مع إرهابيين داعش.. فخرج الطيران الأمريكي و قصف القوات التابعة للجيش السوري.. و قالولنا "ضربناهم بالخطأ.. لامؤاخذة..سوري"...المشكلة في أمريكا المتحضرة العظيمة جنة الله في الأرض اللي بيسبح النشطاء و الثوار بحمدها وبيطوفوا بأعتابها المباركة و ييحلموا بالهجرة ليها و بيسجدوا في مطاراتها للعلم الأمريكي.. المشكلة إنها دولة قايمة علي الخطأ الظاهر.. يعني أمريكا سبق لها و ألقت أسلحة بالباراشوت علي داعش و النصرة حوالي 48 مرة..وألقت مواد غذائية و مساعدات علي داعش و النصرة أكتر من 50 مرة.. و ألقت عليهم مواد دوائية حوالي 26 مرة...الكلام دا مش من تأليفي.. دا ممكن تجيبه من أخبارهم ووكالاتهم نفسها.. السي إن إن و البي بي سي و البلاوي إياها...كل مرة قالولنا "إحنا آسفين دا بالخطأ"....تعال بقى نمسك أمريكا العظيمة اللي بتسجدوا لها في المطارات دي.. اللي جيشها صارف 5.5 بليون دولار... و مش عارف صرفهم في إيه..أمريكا اللي بترمي أسلحة و تعيينات و مساعدات علي "العدو" بالخطأ..أمريكا اللي الشرطة فيها بتقتل 3 مواطنين يوميا علي الهوية من عام 2014 لحد النهاردة.. لمجرد إن لون بشرتهم أسود بالخطأ..أمريكا اللي بتدخل فراولة فيها فيروسات كبدية و بتعدي من الرقابة "بالخطأ"...أمريكا اللي دمرت العراق "بالخطأ"..و خربت ليبيا بالخطأ..و اختفى من الإحتياطي الفيدرالي بتاعها 9 بليون دولار بالخطأ... مش عارفين راحوا فين برضه...و اتسلل فريق إرهابي إلي قلب الولايات و خد طيارتين دخل بيهم في أكبر برجين في العالم "بالخطأ"..و اتسرب 200 مليون جالون مية مجاري لمياه الشرب في فلوريدا النهاردة الصبح "بالخطأ"...و اتسربت نفايات مشعة في مياه الشرب في فلوريدا برضه أول امبارح بالخطأ...معلش هو إيه الميزة في الدولة دي اللي مخلياكم بتدافعوا عنها الدفاع المستميت دا؟!!دولة زي دي و بالحجم دا مع معدل الأخطاء و جسامتها.. إيه الميزة بالضبط اللي فارقاها عن "تشاد" و "الجابون" بنسبة الأخطاء المروعة دي؟دا انت بترمي على عدوك سلاح و بتقصف القوات اللي بتحارب الإرهاب و فلوسك بتتسرق و لا كأنك في مولد سيدي البوهي في قنا...إيه بقى الفكرة اللي مخلياكم معجبين بدولة زي دي.. و باسم يوسف بتاعكم في حملة هيلاري - 80 سنة- عشان تمكين الشباب و كده - هيلاري اللي محدش عارف هي مريضة بإيه - عشان الشفافية و كده - و بتروحوا تسجدوا لعلمها في مطار نيويورك ...ممكن الدكتور عصام حجي يطلع يكلمنا عن فشل أمريكا و غباوتها و انحطاطها و سقوطها في نسبة مروعة من الأخطاء بسبب فشل التعليم هناك ؟.معلش اللي عامل نفسه مش شايف كل دا.. و مش شايف أمريكا و هي بتسرق من فلوس دافعي ضرائبها عشان تدعم داعش.. و تقصف الجيوش النظامية عشان تساعد الإرهاب.. و عامل نفسه مش واخد باله و الطيارات الإسرائيلي بتقع.. و بيغض البصر عن نفايات نووية في مياه الشرب الأمريكية و عمال يقول لنا "اتعلموا من أمريكا".. و عمل حفلة علي 5 طن فوسفات وقعوا في النيل..دا مش مجرد شخص مش فاهم..أمريكا امبارح بالليل اتهمت رسميا في مجلس الأمن إنها بتدعم داعش..مبقاش فيه حد مش فاهم...دا شخص مأجور بمنتهى الصراحة و المباشرة.. قولاً واحداًماتزعلوش بعد كده لما نقول عليكم خونة..أنتوا فعلا كده .. وأكتر ..---------------------------By: Alaa Hammouda[/list]
الرجوع الى أعلى الصفحة اذهب الى الأسفل
 
بعد كل شرمطة أمريكا...ماسمعناش من النشطاء و المأجورين غير صمت القبور
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: