منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 الجيش بيزرع ويبيع حشيش يا منى طبعاً الألش ده على الجيش الإيطالى.

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بنت مصر
عضو stars
عضو stars
avatar

اسم العضو : بنت مصر
الجنس : انثى عدد المساهمات : 1561
تاريخ الميلاد : 03/06/1980
تاريخ التسجيل : 03/04/2012
العمر : 36
المزاج عال العال

مُساهمةموضوع: الجيش بيزرع ويبيع حشيش يا منى طبعاً الألش ده على الجيش الإيطالى.   السبت سبتمبر 03, 2016 3:22 pm

 من قبل ‏‎Mohammed Haffz‎‏.
31 دقيقة · 

الجيش بيزرع ويبيع حشيش يا منى 
===================
مزارع الجيش الايطالي - الماريجوانا الطبية
مش أول مرة تحصل أن قوات مسلحة تضرب المحتكرين/التجار/السوق السودا
أوالحكومة تستدعيها لمساعدة الناس
الحكومة الإيطالية في 2014 قننّت (سمحت) بزراعة وتجارة وتداول واستخدام الماريجوانا للاستخدامات الطبية خاصة لمرضى السرطان
لكن الإنتاج المحلي والمعروض في الصيدليات كان غير كافي وسعر الجرام وصل لـ 38 € وبتيجي من هولندا كمان متهربة مع تجار المخدرات !!
والروشتة بالكامل بتوصل لـ 1200 € عشان تاخد كورس العلاج
التجار+ أصحاب المزارع + مافيا المخدرات + شركات الدواء ، استغلوا الموقف وبدأوا تخزين واحتكار الصنف ، والمارجوانا سعرها زاد جدا ووصل لـ 10 أضعاف الطبيعي زي ما بتقول رويترز
فقررت الحكومة بعد فشل محاولاتها : استدعاء القوات المسلحة
الجيش درس الموقف وبدأ يعمل مزارع بنفسه من فلوسه واستثماراته وأعلن أنه هيغرق السوق بيها
المشروع أُطلق عليه اختصارا SCIM 
وحسب تصريحات ضابط الجيش الايطالي المسئول كولونيل انطونيو ميديكا (المرفق صورته في البوست ) بيقول " المستهدف هو إنتاج 100 كيلو جرام ماريجوانا طبية سنويا
والمستهدف ان السعر ينزل لـ8 € "
وفي تصريحات أخرى ما بين 5€ الى 15€ بالتدريج وحسب الإنتاج وحجم توسع المشروع
وفيه مفاوضات بين الصحة والجيش لعرضه مجانا لبعض الحالات وبعض الأماكن
وفي تقاريرأخرى لـ BBC , independent , business insider
بيتكلموا عن أهمية الدور اللي عمله الجيش الإيطالي ، وان مزارعه ومعامله هي المكان الوحيد الآمن والمجهز بإمكانيات كافية لحل المشكلة
وإن المافيا أو التجار والشركات ميقدروش يعطلوه أو يقفوا ضد المشروع
وأنه قوة لصالح الناس والمرضى المحتاجين بشدة للعلاج ، خاصة مرضي السرطان
.
طبعا الكلام ده لو حصل هنا ما كناش خلصنا من وساخات الثورجية مراكيب الخرفان ، وكانت ماسورة الألش والمسخرة والكوميكات والآفيهات إتفتحت ومحدش سدها وخد عندك يا عم .. جيش الحشاشين ..سلاح البهجة .. أكيد الضابط المسئول اسمه المعلم كرف .. معاكم اللواء أركان ضرب البهظ بيه .. وانتوا مش عارفين أنكوا حجر جوزتنا واللا إيه .. إلى آخر تلك السخافات والترهات بتاعة العميل بائس يوسف وشلته من عبدة اليورو والدولار ، وماكينة التفاهة والسماجة ماكنتش هتبطل هري
.
طاب نسيبنا من الجيش الإيطالي .. خلينا في الجيش التركي ، أصل فرقة حريم السلطان بيحبوا التجربة التركية أوي 
هتلاقو في المصادر ان الجيش التركي مثلا له حصص ملكية مختلفة الأحجام فى 60 شركة بتشتغل فى كل أنواع التجارة عن طريق مجموعة oyak group
وهتلاقوا إن نشاطات المجموعة دي بمتد وتتنوع لتشمل منتجات مختلفة ، من أول البسكوت ..للسلع الغذائية ..ولحد توكيلات العربيات ..وشركات العقارات... ومصانع الاسمنت 
وعنده صندوق استثماري كبير جدا بيستثمر في كل شيء لصالح الجيش .
.
مفيش أي شئ مستغرب أن الجيش المصري يتدخل لحل مشكلة ألبان الأطفال.. وأي مشكلة أخرى مدنية ... ده عادي جدا حول العالم ، لأن دور المؤسسات العسكرية مش بس حربي
أنا مؤيد ومتفهم جدا لأهمية عدم إعلان تفاصيل ميزانية الجيش 
لكن لازم نعترف إن احنا فعلا عندنا نقص و فقر في المعلومات المتاحة وإنه فيه فرق كبير بين اتاحة وسهولة الوصول للبيانات بين مصر ودولة زي إيطاليا مثلا
لكن علي الاقل تتكلم مع الناس بتوازن وعقل .. اتكلم في عناوين أو أرقام اجمالية خاصة لو موضوع مدني ..نقول شوية أرقام ... ونشرحلهم احنا بنجيب ده بكام وهنبيعه بكام وهنوزعه لمين ومين الجهات المتداخلة معانا
عشان منديش فرصة للشبهات والقيل والقال والكلام اللي ملوش لزمة ، ودا مش خوف من كلاب السكك ، ولا متوقع انه يخليهم يغيروا موقفهم ، لأن دا شغلهم اللي بيقبضوا عليه فلوس باليورو والدولار ..بس عشان رجل الشارع البسيط اللي كلمة توديه وكلمة تجيبه 
دي أهمية التسويق والإعلام وخطورته اللي بنتكلم عنها دايما
دي حرب نفسية ولازم نعرف نديرها ونتعامل معاها
والعالم اتغير والأدوات اللى بنحارب وبنتحارب بيها اتغيرت
ودلوقتى السلاح الأخطر مش النووي وانما قناة تلفزيونية أو مقالة رأي أو إشاعة تنتشر ضدك تفقد الثقة فيك لدي مؤيديك وتفكك جبهتك ، أو تهزها ، أو تخليك تخسر مصداقيتك
دول كاملة اختفت من الخريطة بالأسلحة دى ، ودول تانية اتفككت وبقت دويلات 
ودول تانية نهضت لما إهتمت بالمعنويات والإعلام بجانب الاصلاحات والتنمية زي كوريا وألمانيا واليابان ...ودول تانية تدهورت لما أهملتها
.
العالم دلوقتى أدرك خطورة المعنويات ، ولحد النهاردة أمريكا وروسيا بيضربوا بعض بالحرب النفسية فى الأفلام والأعمال الفنية ..الخ
وفيه مؤشر اسمه مؤشر المعنويات ومنتشر في كل اقتصادات العالم خاصة المتقدمة بيقيس حالة السوق والمجتمع ، وأثر معنوياتهم علي الاقتصاد والانتاج
وبرضه انا عارف كويس اننا عندنا مشكلة شفافية وإتاحة معلومات في البلد كلها وفي كل الوزارات والموضوع محتاج وقت طويل وجهود كبيرة 
متفصحوش عن أسرار عسكرية ... اعملوا أي حاجة انتو شايفنها صح ، بس المهم اننا لازم نتكلم ونرد صح
التواصل مع الناس وإيجاد صيغة ملائمة لمخاطبتهم والحفاظ علي ثقتهم ومصداقيتنا عندهم ... ده أمر مهم جدا وخطير ..والاهتمام بيه مش رفاهية
------------
مراجع :
------------
تركيا : http://goo.gl/uZ0YSS
فيديو من داخل المزارع : http://goo.gl/yVG16k
http://goo.gl/GEfo1m
باقي المصادر
http://goo.gl/VZ921x
http://goo.gl/ZnR4cZ
http://goo.gl/JaDrmo
http://goo.gl/5nihwR
http://goo.gl/bGdSl5
http://goo.gl/XG0nC0
http://goo.gl/d6PCHs
----------------------------------------- 
للباحث والصديق الأستاذ Mohamed Negm









الرجوع الى أعلى الصفحة اذهب الى الأسفل
 
الجيش بيزرع ويبيع حشيش يا منى طبعاً الألش ده على الجيش الإيطالى.
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: