منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 فـقـرة الأراجـــوز...باسم يوسف يستمر فى الهرى ويهاجم الجيش بسبب تدخله لخل مشكلة لبن الأطفال كائنات اخر مسخرة&&&

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن الذهبى
عضو stars
عضو stars


اسم العضو : حسن الذهبى
الجنس : ذكر عدد المساهمات : 1818
تاريخ الميلاد : 11/03/1956
تاريخ التسجيل : 16/01/2014
العمر : 60
المزاج عال

مُساهمةموضوع: فـقـرة الأراجـــوز...باسم يوسف يستمر فى الهرى ويهاجم الجيش بسبب تدخله لخل مشكلة لبن الأطفال كائنات اخر مسخرة&&&   السبت سبتمبر 03, 2016 6:00 am


من قبل ‏‎Mohammed Haffz‎‏.
18 ساعة · 

فـقـرة الأراجـــوز
=========
"أنا هاحرض ضدك وأعملك أزمات ... ولو حاولت تحلها هاسخر منك ، ولو حليتها هانتقدك ، ولو محلتهاش هافضحك"..
ده باختصار الأسلوب اللي بيتبعه خونة الداخل بتعليمات من اللي مشغلينهم في الخارج في حربهم مع الدولة والجيش .. بيشوف أي أزمة و يقعد يسخن فيها ، ولما الجيش يبتدي يحلها ، يسلط عليه كلابه وبهاليله بالألش والسف وقلة الأدب ، ولو الدولة/الجيش ما عرفتش تحلها - وده نادر جدا - يقعد برضه يتريق عليه ويفضحه ، ولو مفيش أزمة يفتعلها .. المهم انهم يلاقوا حاجة يشتغلوا عليها .
الأراجوز الأمريكاني أول ما سمع عن تدخل المؤسسة العسكرية لحل أزمة ألبان الأطفال ، راح مطلع الدوندوو بتاعه و قعد يرضع بهاليله ومهاطيله بلبنه وكلامه المسموم وبأسلوبه الرخيص في التريقة بطريقة كلها اسفاف في التريقة والمسخرة ، وشوية وراح ناطط على الشئ اللي عامل له ولأمثاله صداع دائم في النافوخ .. إقتصاد الجيش ، أو بيزنس الجيش كما يسميه .. ورغم إننا إتكلمنا كتير قبل كده ووضحنا الموضوع ده من حيث الأسباب والأهمية ، لكنه هو وأمثاله من الخونة عبدة اليورو والدولار مستمرين في هريهم الأزلي عن الموضوع ده ، مش لأنهم جهلة ما يعرفوش، بالعكس هما عارفين كل حاجة ، بس دي التعليمات اللي عندهم واللي لازم يشتغلوا عليها وينفذوها حرفيا وإلا تتقفل عليهم حنفية الدولارات.
.
بس قبل ما نرد على بائس وأمثاله ، فيه حاجة مهمة لازم نوضحها .. يا ترى ليه أحيانا بنقول المؤسسة العسكرية ؟ وأحيانا بنقول الجيش..؟ وهو فيه فرق بينهم ؟
المؤسسة العسكرية تعبير أشمل من الجيش، لأن الجيش هو الوحدات القتالية فقط ..بينما المؤسسة العسكرية هي صرح عملاق وكيان ضخم بيشمل عدة وحدات ، أهمها طبعا والظاهر منها هو الجزء القتالي أو الجيش ، لكن المؤسسة فيها حاجات تانية كتير زي القطاع الطبي ( مستشفيات - مخازن ومصانع أدوية وأمصال ولقاحات..إلخ ) ، وقطاع الأمن الغذائي (مزارع – مصانع منتجات ألبان ...إلخ ) وقطاع الإمداد والتموين ( طعام ..دواء ..ملابس ..إلخ) وقطاع النقل والوقود ، وورش صيانة المعدات العسكرية والسيارات بمختلف أنواعها ، وورش صيانة الأسلحة من أول البندقية لحد الدبابة والصاروخ .... ودول بيطلق عليهم إجمالا قطاع اللوجستيات .. وهي بصفة عامة القطاعات أو الإدارات اللي بتكون وظيفتها جعل المقاتل متفرغ لأداء تدريباته ومهامته القتالية ، لأنه مينفعش مثلا الجندي يكون بيحارب وقاعد يفكر هياكل إيه و يشرب إيه النهاردة .. أو بيحارب ولما سيارته/ دبابته تتعطل يقعد يصلحها بنفسه أو يدور على ميكانيكي في الحرفيين يصلحهاله .. أو لما يتصاب يروح بتعالج في مستوصف في الطالبية .. أو لما الأفرول بتاعه يتقطع يروح يدور على ترزي في العتبة عشان يصلحهوله أو يعمل له واحد جديد . ، واللي دخل جيش فينا فاكر كويس يوم ما استلم المخلة بتاعته اللي بيكون فيها كل حاجة من الأفرول للبيادة لشبشب الحمام ، وكل ده معمول في مصانع ملابس الجيش ... دي بديهيات أي مؤسسة عسكرية في العالم واللي لخصها نابليون بونابرت ؛ أعظم جنرال في التاريخ الحديث في مقولته الشهيرة "الجيوش تزحف على بطونها " من أكتر من 200 سنة مضت .
يعني قبل ما تفكر تحارب بجيشك ، لازم تكون موفرله المؤنة والعتاد اللازم للحرب دي 
.
لو عسكري قضى فترة خدمته في ورشة سمكرة أو ميكانيكا تابعة للقوات المسلحة ، ما ينفعش هنا تيجي تقوللي ، وهو كده بيخدم وطنه بإيه ؟؟ مش المفروض يروح يمسك سلاح ويقاتل الأعداء ..؟ اللي يقول كده يبقى شخص جاااااهل ومش فاهم أبسط مبادئ القتال الحديث ، لأن المقاتل لازم له كتيبة خلفه من غير المقاتلين يمدوه بالطعام والدواء والوقود وخلافه .. العسكري الميكانيكي مثلا دوره مهم في الحرب وممكن غيابه أو عدم تدريبه على أصول الميكانيكا يتسبب في وفاة عشرات الجنود اتعطلت بيهم سيارة نقل مثلا بالقرب من خطوط العدو .
نفس الكلام يتقال على الطبيب المجند ، اللي ممكن يقضي خدمته كلها من غير ما يضرب طلقة واحدة من طبنجة .. ما ينفعش هنا تقوللي دا إهدار لطاقته ، .لأن انا مش عايزه مقاتل .. انا عايزه عشان يعالج الجندي المقاتل ... ونفس الكلام برضه يتقال على الجندي الفلاح اللي بيقضي خدمته يفلح الأرض في مزرعة تابعة للجيش أو يعلف مواشي أو اللي في مصنع مكرونة وصلصة عشان يوفر الطعام و اللحوم لزملاءه المقاتلين .. ماتقوليش إن الجنرالات بيشغلوا العسكري ده عندهم وبيذلوه بدل ما يخدم وطنه..لأنه كده بالفعل بيخدم وطنه وجيشه بس بطريقة انت ما تعرفهاش أو عارفها بس بتستهبل ..
ده باختصار شديد الفرق بين كلمة مؤسسة عسكرية وبين كلمة جيش . وده برضه باختصار الرد على اللي بيشيروا صور لجندي واقف يبيع فراخ في أحد منافذ الجيش أو بيبيع أصناف بقاله أو بيخبز عيش في فرن تابع للقوات المسلحة وبيقولك شوف جنرالات العسكر بيستغلوا المجندين في أعمال تجارية بدل ما يخلوهم يخدموا وطنهم ويدافعوا عنه 
آلهة الكولجية عارفين كده كويس، بس أتباعهم وبهاليهم من المغيبين ميعرفوش الكلام ده ، وهما - أي طبقة الألهة - بيلعبوا على جهل أتباعهم 
.
نيجي بقى للحتة بتاعة بيزنس الجيش .. معروف جدا إن القوات المسلحة بتمثل عبء اقتصادي كبير علي الدولة في وقت السلم.. لأنهم مستهلكين مش منتجين.. لازم القوات دي تأكل نفسها وتلبس نفسها ، وتوفر بنفسها لنفسها كل المفردات اللي إتكلمنا عنها فوق من مأكل وملبس وعلاج ووو .. وده أسلوب بتعمله كل الجيوش المحترمة في العالم ، من أول الصين الشيوعية اللي الجيش بتاعها بيعمل و ينتج كل اللحوم و الألبان و الأجبان حتى الخمور للقوات بتاعته ، ومش بياخد من الدولة غير الأرز.. لأن زراعته لها طريقة معينة و تربة معينة ، لليابان الرأسمالية اللي الجيش بتاعها بيعمل وينتج كل حاجة حتى زراعة الأرز عشان يأكل نفسه ويصرف على نفسه
الموضوع مابقاش قاصر على المأكل والمشرب ، الجيوش بتدخل كمان في التصنيع ، خصوصا التصنيع الثقيل ، ولو دورنا هنلاقي مثلا إن شركة داسو الفرنسية اللي بتعمل الرافال والفريم والميسترال هي شركة مدنية في الظاهر وهي فعلا بتصنع مراكب صيد ولانشات سياحية ، لكن مفيش طفل في العالم مش عارف إن داسو مملوكة للمؤسسة العسكرية الفرنسية ، ومفيش طفل في العالم ممكن يصدق إن الخواجة مارسيل داسو وشركاه قرروا يصنعوا الرافال والميسترال عشان يكسبوا قرشين حلوين وخلاص ..
نفس الكلام هنلاقيه في بريطانيا اللي المؤسسة العسكرية فيها بتملك أكتر من 30% من أسهم شركة رولزرويس للمحركات ، وأغلبية شركات تصنيع المحركات ( المحركات مش السيارات ) بتكون شراكة مع المؤسسة العسكرية في دولة الشركة ، لأن الي بيصنع محركات العربيات ، قادر برضه انه يصنع محركات الدبابات والبوارج والغواصات والمقاتلات ، و دي حاجات بتمس الأمن القومي ، وأشهر مثال على كده شركة جنرال موتورز الأمريكية واللي الجيش الأمريكي بيملك أكتر نسبة فيها من الأسهم وبيكسب من وراها لما بتبتيع منتجاتها بشكل تجاري 
عارف يا باسم وحدة النمرو ..؟ أكيد عارفها طبعا ، دي الوحدة العلمية الطبية التابعة للبحرية الأمريكية ، اللي موجود فرع ليها هنا في العباسية في القاهرة..هو مين اللي بيعمل التطعيمات و اللقاحات و يبيعها لوزراة الصحة الأمريكية؟ مش وحدة "النمرو" ؟ يا ترى الأطباء والعلماء والموظفين اللي شغالين فيها بيشيلو آلي وبيحاربوا ؟ واللا دول بيمثلوا الظهير العلمي للمؤسسة العسكرية الأمريكية ؟ 
.
وهأستعين هنا بالبوست الرائع لصديقنا المحترم دكتور علاء حمودة Alaa Hammouda في رده المفحم والموثق بالمراجع على باسم يوسف وأمثاله :
.
أول لينك في مراجع البوست دا بيتكلم عن المدارس اللي أنشأتها و بتديرها وزارة الدفاع الأمريكية من سنة 1946 لحد النهاردة...
دا الأكتر من كده.. الموضوع تجاوز الولايات المتحدة نفسها.. الجيش الأمريكي بيملك مدارس تابعة له و بيشغلها و يلم حصيلتها من المصاريف و الأرباح في 11 دولة...
نسيب النقطة دي.. عشان يمكن الشباب اللي بتهزر ماتعرفش هي بتتكلم عن إيه كالعادة.. بس حبيت أوريلك أيقونتك "باسم يوسف" بيضحك عليك و مستغبيك لدرجة إيه..
معقول باسم اللي في حملة مرشح الرئاسة الأمريكية في أكبر دولة في العالم.. اللي هو شايل جنسيتها.. مش عارف وزارة الدفاع في البلد دي بتعمل ايه؟
هو عارف كل ده بكل تأكيد ، بس عارف برضه إنك انت مش عارف.. و عارف برضه إنك مش هاتدوّر وراه.. هاتقول "آمين" و تقلب الموضوع ألش ومسخرة ..و في الوقت اللي انت فيه بتكون قاعد تكتب تعليقك عنده وتألش بيكون باسم قاعد ورا الشاشة بيضحك من قلبه و هو شايف تعليقاتك و شايفك مصدقه.. و بيشرب كاس.. و بيفتح حسابه البنكي علي الإنترنت عشان يشوف تمن البوست اتحوّل و اللا لأ...
.
رجعنا تاني لموضوع "بيزنس الجيش".. لو دققت تلاقي الموضوع دا بيتعاد كل سنة في الصيف.. يعني كل سنة من إبريل لسبتمبر.. في المعدل دا.. لازم يثار الموضوع من باسم و حجي و بقية الشلة المثقفة اياها بتاعت "كاتدرائية العباسية اتبنت أيام الأزهر".. يعني عبد الناصر بني الكاتدرائية أيام الأمويين...
.
الكام لينك في ثاني مرجع في البوست دا يورولك انه نفس الموضوع بيثار تحديداً في الفترة دي من كل سنة.. في الصيف من إبريل لسبتمبر.. مش بس كده.. يوريلك كمان إن باسم يوسف بيتحرك بتنسيق رهيب مع صفحات الإخوان.. و غالبا ما بتنهق معاهم الجزيرة و البي بي سي تحديدا...
تعال بقى يا باسم نتحاسب..
.
"بيزنس الجيش" حسب ما انت مسميه ما وقفش أيام مرسي. و كانت منافذ بيع الجيش بتحل الأزمات.. و المصانع الحربية شغالة.. الجيش أيام مرسي "خبز" عيش للناس و وزع أنابيب و فتح أكتر من 40 محطة وقود "وطنية" عشان يحل أزمة الوقود...
نطقت يومها عن بيزنس الجيش بكلمة؟ لا.. اتكلمت ايام طنطاوي.. و سكت ايام مرسي.. و رجعت بعد رحيل مرسي..
أيام مرسي كنت مستلم صفوت حجازي و ابو إسلام و شله العبط إياها.. و بتتخانقوا انت بتعمل ايه في الحمام.. و مرسي لبس ايه في باكستان.. و شوية كلام فارغ.. ليه؟ كان حلو "بيزنس الجيش" أيام مرسي و بقى وحش فجأة ؟
.
هو الجيش الأمريكي.. ولي نعمتك.. مش طارح العربية "هامر" للإستخدام التجاري من خلال جنرال موتورز؟؟ هو الجيش الأمريكي مش مشارك في جنرال موتورز بقسم اسمه "جنرال موتورز للدفاع GM Defense" و بيورد منها معدات للجيش الكندي؟ لو مش عارف هتلاقيها في تالت مرجع..
.
هو الجيش الأمريكي ولي نعمتك.. اللي رحت لبست بدلته و لما زنقولك قلت "دي بدلة صيد".. مش عامل شركة مقاولات بسلاح المهندسين بتاعه ؟ و مش بس كده.. دا لما بيشتغل للحكومة الأمريكية نفسها.. بيقبض الثمن.. يعني قابض مرتين.. بياخد فلوس ضريبة من المواطن الأمريكي يشعمل بيها بيزنس.. و يقبض تمنه من الحكومة من ضرايب المواطن الأمريكي برضه..!!!
.. دي تلاقيها في رابع مرجع..
.
هو الجيش الأمريكي ولي نعمتك.. مش مساهم رئيسي و مالك لـ 25 شركة أمريكية منها "مان تك ManTech".. و "إتش بي Hewlett- Packard" بتاعة الكمبيوتر.. و "روكويل كويلنز Rockwell Collins" بتاعة الطيران المدني..؟؟ 
هو ولي نعمتك مش مالك شركة "جنرال إليكتريك General Electric" اللي بتعمل سخانات و بوتجازات ؟؟
الجيش الامريكي اللي بيصرف عليك.. مش هو للي مالك "لوكهيد مارتن Lockheed Martin" و بينافس بيها بوينج الأمريكية نفسها ؟
لو ماتعرفش.. فدا موجود في خامس مرجع...
الجيش الأمريكي اللي أنت قاعد في حمايته.. وبتتباهى بيه وبقدراته وحرفيته العالية ، واللي إتقفش أكتر من مرة وهو بيرمي سلاح علي داعش و القاعدة و النصرة.. مع إن لو دي حصلت مننا و رمينا سلاح غلط للإرهابيين في سينا مثلا.. ماكنتش سكت.. الجيش الأمريكي العظيم دا مش بيعمل معجنات " بيتزا " و يبيعها؟؟ 
طب ابقى بص على سادس مرجع..
.
دا حتى مصانع الحلويات والشيكولاته ، الجيش الأمريكي داخل فيها 
ولو مش مصدقني أبقى بص على مرجع رقم 13
هو طبعا حلال عليكم حرام علينا.. صح ؟
الجيش عندنا لما بيبيع للناس لحوم مدعمة رخيصة.. و بيحارب جشع التجار.. و بيوفر لبن رضع بدل اللي الحرامية مخبيينه في المخازن.. يبقي "عصابة مسعورة"..
وولي نعمتك اللي في البنتاجون لما يقول " انه فيه مليار دولار مش لاقيينهم ومش عارفين إتصرفوا في إيه".. و هو بعتها سوريا عشان الأطفال تتحرق بيهم أحياء علي إيد حبايبه في داعش.. الجيش ده ميبقاش عصابة مسعورة... ؟ يبقي متطور و متقدم و حلو ؟..
خبر إن البنتاجون مش عارف هو صرف مليار دولار - يعني ألف مليون دولار.. يعني تسع تلاف مليون جنيه - فين.. موجود في سابع مرجع...
.
وخد التقيلة بقى .. تقدر تكلمنا عن بيزنس المخابرات الأمريكية "السي آي إيه" - اللي بتشغلك انت و حجي - ؟ ..تقدر تكلمنا عن الـ 26 شركة حول العالم اللي بتديرهم السي أي إيه ؟ واللي بيلعبوا في عدة مجالات منها البرمجيات و الأجهزة الطبية و الكمبيوتر و السيرفرات و الأمن.. و ما خفي كان أعظم ..
فيه مستندات و أحداث موثقة أن السي آي إيه عندها مزارع قنب و معامل حشيش في امريكا اللاتينية وتحديدا في المكسيك... تقدر تجيب سيرة عن الموضوع ده ؟ 
عموما ده هتلاقيه في المرجع رفم 12
طبعا مش حاتقول للناس بقى.. إن كل "حرامية بيزنس الجيش الأمريكي" ولي نعمتك.. معفيين من الضريبة بالكامل.. زي ثامن مرجع ما بيقول.. لأ و كمان البيزنس نفسه معفي من ضريبة بيع المنتج.. زي ما بتقول وزارة الدفاع الأمريكية في تاسع مرجع...
.
مش شايف إن نغمة "بيزنس الجيش" دي.. هي نفس الكلام اللي بيقوله الإعلام الإسرائيلي و بيردده معاك عن جيشنا.. زي عاشر مرجع ما هو موضح ؟
ليه ؟؟ بتردد نفس كلام الإسرائيليين ليه؟؟
اسرائيل خايفة أوي على الاقتصاد المصري كده ؟؟ بيحبونا للدرجة دي ؟؟ نفسهم نتطور للدرجة دي ؟؟
بتغرد في سرب واحد مع هآرتس الإسرائيلية ؟؟
وبتقول على الجيش المصري ميليشيات ؟!! بقى الجيش المصري ميليشيات مسلحة ؟ بقى الجيش المصري "عصابة" ؟؟ الجيش النظامي المحترم اللي بيحمي البلاد "ميليشيا و عصابة".. و جبهة النصرة اللي بتلعب كورة بأدمغة البشر "جيش" حر و "ثوار" ؟؟... دا انت ماجرؤتش تقولها على داعش و اللا القاعدة ..هو اللعب بقى ع المكشوف للدرجة دي ؟ واللا انت من فرط ثقتك بنفسك وقعت في الغلطة الفظيعة دي اللي خلتك تكشف أوراقك بالشكل ده .؟ عموما دي حالة بتحصل لأغلب الجواسيس في العالم بعد فترة من العمل ومن كتر الثقة بالنفس بيتهيأله انه مش ممكن يتكشف ، فبيتخلى عن حذره ، وبيغلط غلطة بسيطة ..وفي العادة بيكون فيها مقتله .
.
بصراحة انا لو من الضابط اللي مشغلك المفروض ما أصرفلكش الشيك بتاع كل مرة لأنك كشفت نفسك بأكتر من اللازم.. انت حرقت نفسك يا باسم وكشفت كل أوراقك وده مش شغل محترفين ..
بصراحة أنا شايف إنك المفروض تعتزل و دا يبقى آخر بوست سياسي ليك.. يا ريت تسكت خالص بعد كده ، لأنك كل ما بتتكلم بتغلط وتكشف نفسك وتكشف اللي مشغلينك.. إنت أصبحت عبء على اللي بيشغلوك 
ولو محتار تاكل عيش منين بعد ما يسرحوك ، ممكن تركب مناخير حمرا و تقعد تتنطط في مولد مولانا العارف بالله سيدك جورج الفيلادلفي لأنك فعلا مش لايق عليك غير دور الاراجوز..
كفاية عليك كده سياسة.. أنا بقول دا يبقى آخر بوست ليك...
الشباب بقى اللي فرحانين بيه.. و الناس المثقفة المتعلمة...
كفاية أوي كده.. عيب واحد زي دا يضحك عليكوا...
فعلا عيب...


[rtl]#الأراجوز[/rtl]


---------------
مراجع:
---------------
1 - http://www.dodea.edu/DoDEA-70-Anniversary.cfm
2 - http://goo.gl/i6KoXT - http://goo.gl/W2wO0H - http://goo.gl/6l5yDF -http://goo.gl/JBlv8s
3 - http://www.generalkinetics.com/casestudies/gm-defence.php
4 - http://www.usace.army.mil/Business-With-Us/
5 - http://www.businessinsider.com/top-25-us-defense-companies-… -http://www.businessinsider.com/top-25-us-defense-companies-…
6 - http://www.techinsider.io/mre-pizza-2016-2
7 - http://www.theblaze.com/…/report-the-pentagon-has-no-idea-…/
8 - http://www.military.com/…/…/taxes/state-tax-information.html
9 - http://www.state.gov/ofm/tax/sales/
10 - http://shar.es/BORFD
11 - http://www.dodea.edu/aboutDoDEA/eligibility.cfm
12 - http://www.businessinsider.com/25-cutting-edge-companies-fu…
13 - http://rivergrandrapids.com/mms-were-originally-created-to…/









الرجوع الى أعلى الصفحة اذهب الى الأسفل
 
فـقـرة الأراجـــوز...باسم يوسف يستمر فى الهرى ويهاجم الجيش بسبب تدخله لخل مشكلة لبن الأطفال كائنات اخر مسخرة&&&
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» موت عمار كوسوفي قبل شهر
» جبل التجربة او دير قرنطل
» تعلمت ان جرحي لا يؤلم احدا غيري
» اسباب ارتفاع درجه حرارة البروسيسور
» التخلص من سواد الركب بأستفسار من عضوه مصريه (طريقه مجربه )

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: