منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 كيف يتم تحويل البلاد العربية إلى الصوملة والأفغنة....ركز معايا لو سمحت ، ومعلهش استحملني واقرا البوست لنهايته

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن المرجاوى
المدير العام
المدير العام


الجنس : ذكر عدد المساهمات : 3546
تاريخ الميلاد : 03/06/1963
تاريخ التسجيل : 06/11/2010
العمر : 53
المزاج مصر العربيه

مُساهمةموضوع: كيف يتم تحويل البلاد العربية إلى الصوملة والأفغنة....ركز معايا لو سمحت ، ومعلهش استحملني واقرا البوست لنهايته    الأحد مايو 01, 2016 1:46 pm

Mohammed Haffz‎‏.
7 دقيقة · 

ركز معايا لو سمحت ، ومعلهش استحملني واقرا البوست لنهايته ‏‎smile‎‏ رمز تعبيري
على فكرة اللي في الصور دي مش إسكندرية، و لا حلب و لا لبنان و لا الكلام دا خالص....دي الصومال......أيوة الصومال ..!!!
.
فيه جيل كامل إتولد.. و كبر واتجوز و مشافش الصومال دي أبدا.. و كل اللي يعرفه عنها إنها صحراء خراب ينعق فيها البوم.. و فيها بشر عبارة عن هياكل عظمية جلد على عضم تزحف على الأرض ولا تجد كسرة الخبز...
عُملتها كانت "الشلن الصومالي".. الدولار كان بتلاتة شلن .. النهاردة الدولار بسبعة آلاف و خمسميت شلن..!
الناس وقتها في الصومال مافهموش الفرق بين "الدولة و الحكومة".. و ضيعوا الدولة عشان يعارضوا الحكومة.. مشيوا ورا الجماعات الإرهابية.. و انطلقت أبواق الإعلام الأمريكي بعبارات من عينة : "الديكتاتور سياد بري يقصف المدنيين".. "سياد بري يقتل شعبه".. إلخ.. سمعت الكلام ده فين قبل كده ؟؟
كان سياد بري في الحقيقة وقتها لا بيقتل مدنيين و لا نيلة.. كان بيحارب إثيوبيا وبيحارب جماعات الإسلام السياسي.. اللي بتحكم الصومال من ساعتها للنهاردة..
.
مع إن الصومال استراتيجية للغاية و اللي يتحكم فيها يكسب كتير جدا.. بس رئيس روسيا وقتها "بوريس يلتسين".. اللي كمّل خطة جورباتشوف في تفكيك الإتحاد السوفيتي و القضاء عليه.. كان شغال لصالح الأمريكيين.. و رفض طلب "سياد بري" إنه يسلحه، وكان بيمد إثيوبيا بالسلاح...
الكلام دا مش بعيد..دا كان في 1995..
كنت مراهق أيامها.. و سمعت ساعتها في ميت صحيفة قومية و عربية من ميت مفكر صومالي من عينة الأسواني و بلال فضل.. و ميت أهبل زي وائل غنيم: مقولات مثل :" دا ثمن الثورة على الإستبداد".. و "ثمن الحرية".. و العته و التخلف العقلي اللي بتسمعهم النهاردة في دول الربيع المشئوم.... وقتها ماكنتش فاهم و لا مهتم بحكم سني..
.
فضل الأمريكان وراها لحد ما بقي بيحكمها "إتحاد المحاكم الإسلامية".. وأنا كبرت و بقيت مستني إن "ثمن الحرية و الثورة" يحول الصومال لليابان.. ماشفتش...
و بقت الصومال زي ما احنا شايفين...
.
الخطة دي كان ماشي معاها بالتوازي في نفس التاريخ خطة "الأفغنة" في أفغانستان .. والأمريكان قاعدين بيتفرجوا ومستنيين يشوفوا أنهي خطة فعالة أكتر.. و ممكن تنجح أكتر.. والعجيبة إن الإتنين نجحوا وبقوا مثال يُحتذى في كيفية تخريب الأمم بـ ايدين أبناءها..
الصور الأبيض و أسود دي من أفغانستان قبل الديموقراطية الأمريكانية المباركة 
.
بس يا سيدي ، ومن ساعتها دخلت المنطقة كلها في طريق "الصوملة" و الأفغنة.. و بقت رعاية الإرهاب و الإسلامجية واجب أمريكي مقدس.. طبعا بدعم من "الكولجية".. اللي هم بيظهروا للناس العادية إنهم أشخاص مثاليين طبيعيين..مش إرهابيين و لا حاجة.. بس بيدعوا الناس دايما للوقوف في صف الإرهاب.. بيدعوهم لاحتضان الارهابي و التعامل معاه و يبرروله إرهابه و يدافعوا عنه و يسفهوا دور الجيوش و يهاجموها.... لحد ما الإرهابي يوصل للحكم.. والبلد تخرب 
بعدها بتلاقي الكولجي من دول عايش في أمريكا و اللا جزر الهاواي بجنسية تانية بيصرف مكافأة نهاية الخدمة من السي آي إيه.. وغالبا بعدها بفترة قصيرة الكولجي ده بيموت في حادث غامض أليم.. عشان مايتكلمش كتير.. ‏‎smile‎‏ رمز تعبيري
.
أوعى تكون فاكر انهم "مش فاهمين و مغرر بيهم".. السيناريو بحذافيره حصل حواليهم بكل الاحتمالات الممكنة:
- في تونس ، رئيس اتنحي و قسموا الحكم مع الإرهابيين زي ما هم عايزين .
- في ليبيا ، رئيس اتقتل و بقت البلد خرابة مفتوحة مستنياهم يورونا عبقريتهم السياسية .
- في اليمن ، رئيس إتنحي و البلد اتقسمت كونفدريشن .
- في سوريا رئيس قاوم ولسه بيقاوم والبلد رجعت 100 سنة لورا 
- في مصر ، رئيس اتنحي و استلموا الحكم سنة كاملة في مصر لما جابولنا بالليمون "رفقاء الميدان"..
و لا سيناريو منهم حقق اللي بيقولوه.. و هم عارفين دا كويس.. لأن الهدف مش ده علي الإطلاق...
الهدف إنه يحولك من حالة "الدولة".. إلى " لادولة".. 
.
ماتقنعنيش إن فيه واحد مسمي نفسه سياسي.. مش عارف الفرق بين دولة مهما كان فيها فساد زي افغانستان و الصومال زمان.. و بين خرابة زي أفغانستان و الصومال النهاردة...
.
ماتقنعنيش إنه في حالة إختيار بين جيش عربي و بين "داعش و النصرة" ممكن شخص طبيعي عاقل "غير ممول و لا مغرض" يفكر مرتين..
.
سيبك من الكلام المايع الأهبل بتاع : "انا مش مع دا و لا دا"..
مش مع حد.. يبقى تسكت.. و تسيب اللي بيعرف ياخد قرار و يختار ينصر صاحب الحق.. ماتقرفناش بعمالتك سواء عمدا أو بغباء..... أنت محايد يبقى تقعد ساكت.. مش تنشر إشاعات و كذب و تشن علينا حرب نفسية و تقولي: أنا مع الشعب السوري!!
مع الشعب السوري تبقى ضد الإرهاب.. ماتبقاش مسميه "ثورة" يا حبيبي...
.
أوعى تناقش واحد عبيط بيحاول يقنعك إن الجيش السوري صحي في يوم من النوم فقرر يقصف المدنيين ويبيد الشعب لأول مرة في تاريخه.. هواية يعني.. غلاسة..
أوعى تناقش واحد فاكر إن أمريكا بتسعى لمصلحته في الشرق الاوسط عشان هي ديموقراطية و كده.. و إن إسرائيل بتضرب سوريا عشان خاطر عيون الشعب السوري.. وإن تركيا اللي بتقفل الصحف و تصادر الجرائد نفسها تشوف سوريا ديموقراطية.. و إن قطر اللي فيها الحكم بالوراثة بتدعم الديموقراطية...
فيه ناس سبقوك و اتناقشوا مع الكائن ده واعتبروه بني آدم ، و في الآخر وصلهم للصومال..
‫#‏مع_الجيش_المصري‬
‫#‏مع_الجيش_السوري‬
‫#‏مع_الجيش_الليبي‬
شير من فضلك ‏‎smile‎‏ رمز تعبيري 
.
-----------------------------
By: Alaa Hammouda







الرجوع الى أعلى الصفحة اذهب الى الأسفل
 
كيف يتم تحويل البلاد العربية إلى الصوملة والأفغنة....ركز معايا لو سمحت ، ومعلهش استحملني واقرا البوست لنهايته
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: