منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 مخطط هدم مصر كما وضعه المتأمرون

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن الذهبى
عضو stars
عضو stars
avatar

اسم العضو : حسن الذهبى
الجنس : ذكر عدد المساهمات : 2437
تاريخ الميلاد : 11/03/1956
تاريخ التسجيل : 16/01/2014
العمر : 61
المزاج عال

مُساهمةموضوع: مخطط هدم مصر كما وضعه المتأمرون   الأحد فبراير 21, 2016 6:54 am

كانت خطة لوبي الشيطان وأعوانهم - طالما مش عايزين الاخوانجية يحكموكوا - إن الناتو ييجي يقدملك الديموقراطية بالعافية، زي ما قدمها قبلك للعراق و غيرها..... ديموقراطية قادمة على فوهات المدافع الغربية وبرائحة البارود الأمريكي
يمكن سهل إنك تهزم جيش زي ما عملوا في الجيش العراقي، و يمكن سهل إنك تهزم شعب و تحطمه زي ما حصل للشعب الليبي.. بس إنك تهزم الإتنين مع بعض فـ ده شئ مستحيل.. محدش بيهزم شعب و جيش مع بعض أبدا..
عشان كده المشاهد دي مع مشاهد التفويض كانت رسالة قاصمة ومروعة لمعسكر الشر.. رسالة مروعة لأنها وضحت لهم اللي كان خافي عليهم و ماعملوش حسابه أبدا....رسالة مروعة لأنها وضحت لهم بكل قوة وبساطة إن الخطة بتاعتهم فشلت..
كان الهدف إنه يجيبلك القوات الأجنبية بهدف حماية الشرعية و أفلام حماية الأقليات، و بعدين نفاجأ بالناتو بيدك بيوتنا زي بيوت الناس في طرابلس.. وساعتها كنت هتلاقي فئة الإخوان الخونة وسطنا مؤيدين للقصف.. " طبعا عشان حماية الشرعية" و كنت هتلاقي فئة رافضة للعدوان، عشان دي بلدها و دي أرضها.. و برضه كنت هتلاقي فئة "أنا مش مع حد".. فئة "شمامين الكُلّة ".. و يبقي فيه "معارضة مسلحة" و "معارضة معتدلة" و "قوات نظامية".. و نكرر السيناريو اللي عملناه في سوريا.. و الجيش يبقي بيتطحن مع خونة الداخل و أعداء الخارج..
بس باللي حصل في 30 يونية ومع المناظر اللي شوفناها في التفويض ، كل التخطيط ده بقى.. مينفعش.. الوضع إتقلب تماما.. بقى فيه "قلة منبوذة بتمثلها جماعة إرهابية" ضد شعب كامل بجيشه و شرطته و مؤسساته...
رهان خاسر بالنسبة للعدو.. ماينفعش خلاص...
فشل الرهان.. و المشهد العظيم دا أعاد صنع التاريخ...
عشان كده الخطة اتغيرت من "فوضى خلاقة" إلى "فوضى ممنهجة".. أصبح الهدف هو تفتيت الكتلة الحرجة لـ 30 يونيو "شعب و قوات مسلحة".. و في نفس الوقت نعمل علي تفتيت الشعب نفسه إلى "شعب و شعب".. طيب إزاي؟
الخطط القديمة بتنجح دايما... نرجع للمبدأ اللي عمره ما خيب ...فرّق تسُد
نطلق الشائعات الممنهجة.. نطلق الشائعات الزاحفة.. نسلط الميكروسكوب علي الكوارث و نحجب الضوء على الإنجازات و النجاح و نقضي وقتنا في التسفيه منهم.. و نضخم أي مشكلة صغيرة و نعمل منها أزمة كبيرة...
القناة تبقي ترعة ..و المؤتمر يبقي فنكوش ..و المساكن تبقي وحشة.. والمقاتلات تبقى خردة ..و الدكتور مايشتغلش ..
ننشر صور لإنجازات مش من البلد و نقنع الناس انها من البلد.. و لما مايلاقوهاش على أرض الواقع.. يفهموا إن حكومتهم بتضحك عليهم...
ننشر سلبيات من كل مكان.. و في كل مكان..
حانطلق كلابنا في مواقع التواصل.. حانطلق كلابنا في الإعلام.. حانطلق كلابنا في الفن.. ولو عن طريق واحد عبيط و ممثلة هبلة يطلعوا يعيبوا في ستات البلد.. و لو عن طريق إعلامي ما يركزش إلا علي سلبيات و يتجاهل أي خبر كويس مدعياً إنه "بنحاول نوصل صوت الشعب للدولة"...
أو عن طريق إعلامي يدلس علي الناس و ما يجيبش خبير يشرحلها إن سعر الدولار ارتفع عالميا.. لا.. نقنع الناس انه ارتفع في مصر بس.. "بلدكم بتنهار يا جماعة"..
رسالة مستترة خبيثة نجحت قبل كده.. وقّعت الصومال و أسقطت بغداد...
لازم نحطم روح الشعب المعنوية.. لازم ندمره معنويا علي كل الأصعدة.. و لو بطرق بتبدو للناس تافهة.. بس رغم تفاهتها بتأثر فيهم بشدة....
.
لازم في سبيل دا نتحكم في الإعلام.. لازم الإعلام 24 ساعة يفضل يقولك: "انت فاشل و ضعيف و منهك و جائع.. حاتفشل.. عمرك ما حاتنجح.. سلبيات كتير.. مفيش أمل"..
الخطة دي نجحت ضد روسيا في الحرب العالمية الثانية.. لحد ما ستالين لقى القوات الألمانية علي حدود بلاده.. و شاف الفلاح السوفيتي ماسك البندقية وواقف محبط متخاذل.. و مش عارف يحارب ويموت ليه و هو مفيش فايدة.. الألمان لا يقهرون.. و دا خلا ستالين يطلق حملته الإعلامية المضادة و يلم شعبه و يخليه يلتف حول الجيش السوفيتي.. و نجح...
العراق لم تسقط إلا لما انفصل الشعب عن الجيش.. و كذلك ليبيا و اليمن، و سوريا كادت تلحق بالمصير الأسود نفسه، لولا ان الناس فاقت.. فاقت في لحظة حاسمة بس دفعت تمن غالي جدا جدا...
.
ماتخلوش حد يفكك الكتلة الحرجة بتاعت 30 يونيو.. يوم ما خرج شعب و حط إيده في إيد ولاده في الجيش و الشرطة، فمسح بأستيكة خطة لاحتلال الشرق الأوسط و إعادة ترسيم الحدود...
ماتخلوش حد يسفه من مجهودكم لما بتتبرعوا و اللا بتعتوا رسالة موبايل واحدة لصندوق تحيا مصر.. الرسالة دي بتفرق...
ماتسمحوش لحد يشتتكم و لا يحبطكم.. دي آخر مراحل الصراع خلاص.. و حانعديها مع بعض...
هانت...
‫#‏تحيا_مصر‬
‫#‏الدولة_مستمرة‬
‫#‏الجيش_المصري_رجال‬
------------------------------
By: Alaa Hammouda
الرجوع الى أعلى الصفحة اذهب الى الأسفل
 
مخطط هدم مصر كما وضعه المتأمرون
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: