منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 الذكرى ال 98 لميلاد الزعيم والقائد والمعلم جمال عبد الناصر..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن المرجاوى
المدير العام
المدير العام
avatar

الجنس : ذكر عدد المساهمات : 3684
تاريخ الميلاد : 03/06/1963
تاريخ التسجيل : 06/11/2010
العمر : 53
المزاج مصر العربيه

مُساهمةموضوع: الذكرى ال 98 لميلاد الزعيم والقائد والمعلم جمال عبد الناصر..   الجمعة يناير 15, 2016 1:52 pm



Mohammed Haffz
5 ساعة · 

زي النهارده 
.
كان فيه راجل مصري أسمراني و مكانشي فيه وسائل إعلام و لا سوشيال ميديا و لا برامج توك شو ولا فوتوشوب عشان تلمعه وتطبل له وتحوله لزعيم أو تصنع منه زعيم ، بس هو بقى زعيم ، بقى زعيم إزاي و ليه ؟ اسأل جدي و جدك المصري و اسأل أجدادنا في سوريا و الجزائر و اليمن و في كل مكان في الوطن العربي ..
بقى زعيم يعني ايه ؟ يعني هو و عربيته و موكبه يتشالوا شيل على أعناق الناس من غير كرباج و لا إكراه .. يتشالوا كده محبة و احترام .
بقى زعيم لدرجة إنك لما تشوف أسامي الناس اللي عايشين معانا دلوقت من مواليد الستينات ، هتلاقي نسبة ضخمة منهم أبوه سماه جمال أو خالد ( على اسم أكبر ابن من أبناء الزعيم ) وفيه اللي خدها من قصيرها وسمى ابنه باسم مركب ( جمال عبد الناصر ) ...طبعا من كتر مالراجل كان مكروه من شعبه كما تقول أدبيات الشماشرجية والخصيان وخرفان سيد قطف العنب .....
بقى زعيم لرجة إنه لما مات إتعملتله جنازة من أكبر وأفخم الجنازات على مستوى العالم في القرن العشرين ، ده غير الجنازات اللي اتعملت بنعش فارغ ومشي وراها الناس في كل عاصمة من العواصم العربية ، وهنا في مصر اتعمله صوان في كل بيت و شارع و الناس كانت بتاخد فيه العزا كأنه واحد من أهل البيت ( ده مش خوف يا حمار ده واحد مات هيخافوا من ايه ؟ ) .

اللي عايز يعرف يعني إيه جمال عبد الناصر يسأل جده عن حاجة كده اسمها الوسية ...وسية يعني باشا لابس بدلة وماسك في إيده كرباج وراكب حصان و بيجري وراه وحواليه كام نفر اسمهم خولي وشغال عنده الكتير من الغلابة الفلاحين اللي كان اسمهم الكلافين واللي يخالف تعليمات الباشا منهم كان بيتربط في شجرة زي الخروف ويتجلد بالكرباج ، اسألوا أي حد عاش في العصر ده ..باعتباره شاهد عليه ...على عصر الملك اللي مكانش قادر يحكم بيته وامه هربت على تركيا واخته سافرت اوروبا واتجوزت راجل على غير دينها بالمخالفة للشرع .. أسألوا عن الفيضان .. اللي كان بيغرق مصر كلها وخراب بيوت مستعجل .. بتوع اسكندرية بتغرق .. اسألوا عن ان 90 في المية من المصريين كانوا تحت خط الفقر والجهل والمرض .. اسألوا عن مشروع مكافحة الحفاء لأن مكانش فيه ثقافة لبس النعال في الريف المصري وأغلب المصريين في الأحياء الشعبية كانوا حفاة علشان مش لاقيين تمن جزمة ( بس المهم إن الجارسون كان فيه طلياني و الخدامة فرنسية يا بقف يا شمام الكوله ) .. ساعتها هتعرف جمال عبد الناصر عمل ايه لمصر .. واحد زي حالاتي مالوش جذور شركسية ولا جد جده كان من الباشوات فأكيد ماكنتش هبقى مع حضراتكوا هنا عالفيس بوك .. أغلب حضرتكوا برضه كان زمانهم مش موجودين هنا عالفيس ، أكيد كان زمانا النهاردة بنشتغل كلافين في سرايا الباشا ( بس سيبك ده أيام الملك كان الجارسون طلياني و بتاعة البليلة ألمانية ...كما يقول السيد المثقف البقف ) .
.
زي النهارده اتولد الزعيم اللي كانت أموال مصر كلها تحت إيديه ،، بس لما مات ، مات و في جيبه 17 جنيه ، إنما من باب الوجاهة الإجتماعية و الثقافية - أو بمعنى أصح من باب ( عُقدة النقص ) - بيحلو لكل بقف و جحش إنه يهاجم الزعيم و يشوف التاريخ بعين واحده و يقرا رأي الخرفان في جمال عبد الناصر - اللي ثبت كدبه - و يصدقهم مع إنه طول النهار و الليل بيقول عليهم خرفان !! .
.
و لما رئيس دولة يموت من نُص قرن تقريبا وتفضل صوره تترفع في المظاهرات لحد النهاردة ، و يفضل اسمه و سيرته و صورته و محبته في قلوب مئات الملايين في العالم كأنه يادوب مات أول امبارح ... يبقى الراجل ده اسمه باختصار الزعيم ...
.
.
ما زالَ هُنا عبدُ الناصرْ..
في طميِ النيلِ، وزهرِ القطنِ..
وفي أطواقِ الفلاحاتْ..
في فرحِ الشعبِ..
وحزنِ الشعب..
وفي الأمثالِ وفي الكلماتْ
ما زالَ هُنا عبدُ الناصرْ..
من قالَ الهرمُ الرابعُ ماتْ ؟
.
رحم الله جمال عبد الناصر . ‏‎heart‎‏ رمز تعبيري ‏‎heart‎‏ رمز تعبيري ‏‎heart‎‏ رمز تعبيري 
.
الرجوع الى أعلى الصفحة اذهب الى الأسفل
حسن المرجاوى
المدير العام
المدير العام
avatar

الجنس : ذكر عدد المساهمات : 3684
تاريخ الميلاد : 03/06/1963
تاريخ التسجيل : 06/11/2010
العمر : 53
المزاج مصر العربيه

مُساهمةموضوع: رد: الذكرى ال 98 لميلاد الزعيم والقائد والمعلم جمال عبد الناصر..   الجمعة يناير 15, 2016 2:24 pm

Eyad Harfoush
‏9‏ ساعات · 

بيقولك "عبد الحليم حافظ" كان بينافق الزعيم "جمال عبد الناصر" علشان غنى له كتير، إلى هؤلاء أقدم قائمة بفناني مصر والعرب الذين غنوا لعبد الناصر، هديتي ليهم في مولد القائد الثامن والتسعين؛
- أم كلثوم؛ (1) يا جمال يا مثال الوطنية (2) قم واسمعها من أعماقي (3) مرثية زعيمنا
- محمد عبد الوهاب؛ (1) بطل الثورة (2) ناصر كلنا بنحبك (3) تسلم يا غالي ألفين سلامة (4) يا جمال النور والحرية
- فايزة أحمد؛ (1)حبيبنا عاد بطل الحياد (2) الله معاك (3) كلنا وياك
- هدى سلطان؛ طول ما إنت معانا يا ريس
- شادية: (1) عربي جميل (2) احنا وياك يا ريس (3) مرثية أعلى شعاع (4) عدينا يا معداوي (5) ضربة معلم تسلم إيده
- سعاد محمد؛ (1) أبونا عاد (2) يا زارع الأرض كرامة (3) مارد أسمر
- فريد الأطرش؛ (1) حبيب حياتنا كلنا (2) حيوا البطل (3) مرثية حبيبنا يا ناصر
- فايدة كامل؛ (1) خطوة سريعة (2) أقسمنا بالله العظيم (3) معاك يا زعيمنا كتلة قوية (4) نحن معه (5) زي الريس ما بيعمل
- محمد رشدي؛ (1) يا أبوخالد يا حبيب (2) الشعب يريدك يا ريس (3) نعم نعمين ويا ألف نعم
- محمود شكوكو؛ (1) سلام للجدعان (2) يا ولاد حتتنا
- مها صبري؛ خمسة عليها
- جلال سالم؛ حبيب الشعب
- محمد عبد المطلب؛ يا خال يا أبو الأمجاد
- إسماعيل شبانة؛ الله معك
- صباح؛ (1) أنا شفت جمال والنبي يامه (2) جلاب الخير
- وديع الصافي؛ بعدك يا ناصر للشرق
- محمد حسن؛ الهرم الرابع
- نجاة محمد؛ معاك يا أبو الثوار
- لبلبة؛ مبروك على وحدتنا
- نجاة؛ صرخة الأحرار
-------
كل دول منافقين يا أخ؟ هو فاضل حد أصلا ‏‎smile‎‏ رمز تعبيري والأغاني عندي واللي هينكر هحط له الأغنية
-----
‫#‏جمال_عبد_الناصر‬
‫#‏عيد_الميلاد_الجديد‬
الرجوع الى أعلى الصفحة اذهب الى الأسفل
 
الذكرى ال 98 لميلاد الزعيم والقائد والمعلم جمال عبد الناصر..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: