منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 الحقيقة خلف حادث اســقــــــاط الطائرة الروسية :

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن المرجاوى
المدير العام
المدير العام


الجنس : ذكر عدد المساهمات : 3549
تاريخ الميلاد : 03/06/1963
تاريخ التسجيل : 06/11/2010
العمر : 53
المزاج مصر العربيه

مُساهمةموضوع: الحقيقة خلف حادث اســقــــــاط الطائرة الروسية :   الخميس نوفمبر 26, 2015 9:13 am

Mohammed Haffz
19 ساعة · تم تعديله ·

الحقيقة خلف حادث اســقــــــاط الطائرة الروسية :
==========================
.
بعد حادث اسقاط الطائرة الروسية على الحدود السورية ..... للأسف فيه ناس كتير وقعت في نفس الخطأ بتحليلها للحادث بمعزل عن المتغيرات السياسية الدائرة في المنطقة .... فيه ناس معتبراها هزيمة لروسيا من تركيا و ناس تانية مستنية الرد الروسي بقصف تركيا بالنووي ... و كلٌّ يبكي على ليلاه ... ‏‎smile‎‏ رمز تعبيري
.
و بدون مقدمات حندخل في الموضوع على طول في نقاط محددة تبعاً للمعلومات الأولية المتاحة :-
.
مفيش حرب عسكرية بتقوم بين كيانين كبارعلشان دولة أسقطت طيارة لدولة تانية .... ( طبعا باستثناء الحرب اللى قامت بين الاكوادور و السيلفادور بسبب ضربة جزاء في مباراة كرة قدم ‏‎smile‎‏ رمز تعبيري ) . و طبعا لما بأقول كيانين كبار فانا مش بأقصد تركيا، و لكن أقصد روسيا و وراؤها الصين و كوريا الشمالية من جهة .. وأمريكا و حلف الناتو ، يعني الغرب من جهة تانية ‏‎smile‎‏ رمز تعبيري .
.
اللي حصل امبارح عادي جدا و متوقع، و يمكن كمان كانت روسيا بتسعى إليه ، لأن السياسة هي فن الاستفادة من المواقف .... و دائما و أبدا لما بيكون فيه توتر كبير بين قوتين .... بيكون فيه فرد عضلات و تحرشات عسكرية ... فالصين مثلا تعمدت اسقاط درة تاج سلاح الطيران الأمريكي - المقاتلة الـ F22 - بطائرة صينية الصنع .... بل و تلكأت في تسليم جثة الطيار الأمريكي كمان ، ورغم كده لم تقم حرب بينهم ... و حتى تركيا .... فالطيارين اليونانيين واخدين سلاح الطيران التركي ورا مصنع الكراسي بشكل شبه أسبوعي ‏‎grin‎‏ رمز تعبيري ... فياريت ماتسخنش و تفتكر ان الموضوع عركة في الشارع ، أو تتخيل إن بوتين حيحمل رجالته في ميكروباص و يروح يقفّل اسطنبول ، لأن الموضوع أكبر من تركيا بكتييييير .... دي حرب عالمية بين قوى عظمى .
.
اللي بيفكر صح لازم يفتكر انه من أسابيع طويلة و الطيران الروسي بيتحرش بتركيا ... و بيقوم بعمليات إذلال للطيارين الأتراك .... طب اشمعني دلوقتي ؟؟ و ايه اللى جد ؟؟!!!
.
بص يا سيدي .. ... القصة كلها تكمن في كلمة واحدة اتكلمنا عليها كتير قبل كده تلخص كل الموضوع و هي ... الفيناله .. ‏‎smile‎‏ رمز تعبيري... يعني ايه ؟؟؟ ...
.
الموضوع بقى ماسخ جدا ... و احنا قاعدين نمثل على بعض .... الغرب عامل نفسه بيحارب داعش و هو اللى انشأها و بيحركها .... و روسيا بتدافع عن مصالحها و وجودها ... و مصر أوقفت خطة تقسيم المنطقة و تسببت في خسائر فادحة قد تقضي على خطة التقسيم الحالية تماما .... فالتحالف الشرقي بعد امتصاصه للهجمة الغربية عليه ... بدأ بالهجوم ... فمثلاً مصر بعد امتصاصها لنصباية التخريف العربي و اجهاضها ... بدأت تقف على رجلها ، فتحالفت مع روسيا و دول شرق البحر المتوسط و فرنسا و بدأت في استعادة قوتها الافريقية و العربية ... و قصمت ضهر داعش في ليبيا في عمليات معلنة أو مجهولة ‏‎wink‎‏ رمز تعبيري .... و بدأت في هجوم الردع بصفقات تسليحية تصنف أنها ليست فقط هجومية ، و لكن استراتيجية أيضا ... و وصلت لموقف من القوة انها تعلن عن اكتشافات الغاز الضخمة اللى كانت معروفة من سنين طويل للمعنيين بالأمر ‏‎wink‎‏ رمز تعبيري .... و دي رسالة قوية جدا إنها الأن يمكنها الدفاع عن أمنها و ثرواتها ضد أي طامع فيها أو بيفكر يفتت البلد عشان ياخدها زي ما كانوا بيخططوا .
.
و روسيا دخلت أخدت اقليم القرم من أوكرانيا لتنهي حلم خط غاز نابكو الى الأبد ‏‎smile‎‏ رمز تعبيري.... و دخلت سوريا للقضاء على كلاب الغرب السعرانة .... فخسائر داعش و ماعش في شهر واحد لا حصر لها .... و تم تسجيل فرار ألآلاف منهم الى سوريا و تركيا خلال الشهر الماضي فقط .... و ده معناه إن روسيا بتعلن الحرب العسكرية على الغرب ..... و بما أن الحروب الحالية هي حروب بالوكالة ... فالرد الغربي كان برضه بالوكالة ... فتم اسقاط طائرة شرم الشيخ الروسية ... و اللي للأسف اعتبرها محللين كتير انها محاولة لضرب إسفين بين مصر و روسيا .... و لكنه كان عقاب مزدوج ... فمن جهة كان ضرب لاقتصاد مصر ... و من جهة أخرى كان يهدف لوضع القيادة الروسية في موقف حرج أمام شعبها بتقاربها مع مصر .... و بعدها تم معاقبة فرنسا
.
القصة مش الاتفاقيات الاقتصادية أو حتى العسكرية بين مصر و روسيا .... القصة في الحرب اللي تحت الترابيزة ، و اللي مفروم فيها الغرب ، و اللي مشتركه فيها مصر و روسيا و الصين و فرنسا و ايطاليا و الصين ... فـ اللي متاح للعوام حاجة ... و العالم الحقيقي تحت السطح حاجة تانية خاااالص . ‏‎smile‎‏ رمز تعبيري
.
الرد الروسي المبدئي على اسقاط الطائرة الروسية كان عنيف جداً و مزلزل للغرب بالكامل ..... بوتين قالهم طب احنا لسه بنسمي بس و لسه بنقول يا هادي .... مش كل الحدوتة دي عشان البترول اللى داعش بتهربه من العراق و سوريا لتركيا و منها الى اسرائيل ؟.... واللي بيتقسم الدخل عليهم جميعا للصرف على العمليات العسكرية و حرق سعر البترول في السوق ؟.... طب انا ححرق قلبكم ... قام طالع فاضحهم في اجتماع مجموعة العشرين و قام بعرض صور الأقمار الصناعية الروسية عليهم ، واللي جابت صور طوابير بالكيلومترات لشاحنات نقل البترول المسروق على الحدود التركية تحت حماية داعش و الجيش التركي ... و مخلصش كلامه غير و طيرانه مدمر 500 شاحنة من دول في غارة واحدة ... و بعدها معظم المجهود الحربي الروسي كان بيتركز على ضرب مصافي البترول و البنية التحتية لمصافي النفط المستولي عليها داعش .... يعني بيقفل علي تركيا و أمريكا و الغرب حنفية الفلوس ‏‎smile‎‏ رمز تعبيري
.
و بعدها بكام يوم راح موقع اتفاقية المفاعل النووى المصري .... و ده حنبقي نشرحه بالتفصيل .... بس ده معناه ان التحالف المصري الروسي حيبقي على أعلى مستوى سواء أمنياً أو عسكرياً أو اقتصادياً أو سياسياً ‏‎smile‎‏ رمز تعبيري
.
نيجي بقي لموضوع الطيارة السوخوي بتاعة امبارح .... اللى حصل ده كان مترتب ليه كويس جدا .... اللى اتعمل امبارح بالعرف العسكري كان كمين و ليس اشتباك ، يعني روسيا اتاخدت على خوانه .... و ده اللى قاله بوتين بالنص " تم طعننا من الخلف من دولة تمول الارهاب "... لأن الطيارة السوخوي لو كانت في اشتباك كان الموضوع حيختلف تماما ‏‎smile‎‏ رمز تعبيري .... فالكاميرا كانت متجهزة للتصوير في المكان و الزمان فوق جبل في منطقة شديده الوعورة و مفيهاش بني آدمين .... و الزوم بتاعها جايب طائرة حربيه صغيرة من 6000 متر ..... يعني من الأخر كده .... الترتيب ده مايطلعش من الاتراك .... و ده اللى خللي البنتاجون يلحق نفسه و يطلع تصريح يقول فيه و المصحف الشريف ده أردوغان مش احنا ... احنا ملناش دعوة ‏‎grin‎‏ رمز تعبيري
.
اللي حصل امبارح المفروض المسؤول عنه يتحاكم بتهمة الغباء السياسي .... فهو افلاس تااااام .... فالقصة كلها انهم عايزين يجروا رجل روسيا لمستنقع الحرب البرية في سوريا بأي طريقة .... بعد فشلهم في جر فرنسا ... و بعد ما اتفاجئوا و اتجلطوا من رد فعل فرنسا بعد حادثة باريس ، و انه بدل ما فرنسا تخش تدك سوريا ... لاقوها بتزود التنسيق الأمني مع مصر و روسيا و هولاند طالع بعدها بيشكر مصر على دعمها السياي والأمني لفرنسا ..... و أما الرد الروسي المبدئي على اللي حصل امبارح كان في منع الروس من السفر الى تركيا ..... و ده بيخللي تركيا تلف حوالين نفسها ... يا ترى بوتن حيعمل ايه في كلابها السعرانة على أرض سوريا ؟.... و حيعمل معانا احنا ايه ؟..... و ده اللي خللي أردوغان يجري على الناتو يقولهم خبوني ‏‎grin‎‏ رمز تعبيري .... و لأننا في حرب مختلفة ... فالرد الروسي حيكون غير مباشر ... يعني مش حرب مباشرة ، لكن حيكون رد عنيف و آثاره مباشرة .
.
و الله أعلم وزير الدفااااااااع الروسي كان بيعمل اييه و بيتفق على اييه في القاهره من امبارح .... و ايه الترتيب اللى بيترتب له بالنسبة لليبيا بعد هروب آلاف الدواعش الى ليبيا مرة أخرى بعض العلقة المحترمة اللي اخدوها من كام شهر و اللى خلتهم يهربوا الى سوريا ساعتها.
.
عامةً خلونا نتفرج و نشوف ..... لأن الحرب الحالية مش حرب مباشرة ، و اللى بنشوفه و بيوصلنا هو فتات الفتات .... لكن الأكيد إن اردوغان دلوقتي بنطلونه مبلول و ماشي بيكلم نفسه ‏‎smile‎‏ رمز تعبيري
.
بلاش نستعجل لأن الموضوع بقي ماسخ و حان وقت انهاء القصة البايخة دي ، و كله محسوب بميزان من ذهب ....
.
الدنيا لازم تولع شوية عشان تنطفي بجد و نخلص بقى .... و الأكيد ... انها لما حتولع .... مصر هي من ستكون أكثر أماناً من الجميع ....كما قالها ‫#‏الــجــنـــرال‬ عـــمــــر ســلـــيــمــــــــــــان
.
.
.
‫#‏تحيا_مصر‬
‫#‏لن_ينطفىء_نور_مصر‬
‫#‏تحيا_مصر_ماحدش_تانى‬
‫#‏الشعب_يدعم_الرئيس‬
‫#‏مصر_أم_الدنيا_وهتبقى_قد_الدنيا‬
‫#‏مصر_قلب_النظام_العالمى_الجديد‬
‫#‏كلام_في_الصميم‬
نقلاً عن صفحة ‫#‏كلام_فى_الصميم‬



الرجوع الى أعلى الصفحة اذهب الى الأسفل
 
الحقيقة خلف حادث اســقــــــاط الطائرة الروسية :
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: