منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 فرنسا والخروج على المؤامرة الانجلوسكسونية الصهيونية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن المرجاوى
المدير العام
المدير العام
avatar

الجنس : ذكر عدد المساهمات : 3714
تاريخ الميلاد : 03/06/1963
تاريخ التسجيل : 06/11/2010
العمر : 54
المزاج مصر العربيه

مُساهمةموضوع: فرنسا والخروج على المؤامرة الانجلوسكسونية الصهيونية   الخميس نوفمبر 26, 2015 8:50 am

Mohammed Haffz
20 ساعة · تم تعديله ·

فرنسا والخروج على المؤامرة الانجلوسكسونية الصهيونية
===============================
مش ملاحظين انه غريبة قوي ظهور الجماعات الجهادية و التكفيرية في النيجر و مالي ونيجيريا ؟؟؟؟ .... طب ايه اللي جاب الشامي للمغربي ؟؟؟ .... و اشمعنى الكلاب السعرانة دي مظهرتش عشان تنشر الاسلام بتاعها في أي بلد تانية غير في المناطق اللى فيها ثروات زي العراق و الشام و ليبيا و غرب أفريقيا دونا عن أي بلد تانية في العالم ؟؟؟؟ واللا بقيت العالم كله خلاص حطم الاصنام و بقي مسلم خلاص ؟؟؟
القصة كلها إن منطقة غرب أفريقيا مليانة خيرات ربنا ..... بترول و ماس و دهب و معادن و مصايد أسماك ..... و غيرها كتييييير .... طب و مين اللى موجود من زمان و مسيطر على المناطق دي، و ليه قوات و قواعد عسكرية على الأرض هناك ؟؟؟؟ .... فرنسا طبعا اللى هي ليها شخصيتها المستقلة عن الغرب و اللي أكيد بتقاوم و بترفض تسليم الثروات دي للغرب عشان تاخد الفتات .
جميييييل .... فبقدرة قادر يا مؤمن طلع ليهم جماعة بوكو حرام و المرابطون و الجماعات التكفيرية في شمال مالي و النيجر ... قال ايه بقي يا مؤمن .... نقح عليهم الاسلام في الحته دي بالذات ... و بدأوا يضربوا في الحكومات الموالية لفرنسا هناك و في القوات الفرنسية اللى على الأرض .
فرنسا اتأدبت أو سابتلهم الجمل بما حمل ؟؟؟ .... لا طبعا .... أومال ايه اللى حصل في الأربع سنين اللي فاتوا ؟؟؟ .... فرنسا لقت ان الجماعات دي ظهرت في مناطق نفوذها في غرب افريقيا .... و في تونس و ليبيا و سوريا .... فأخدت قرارات و اتحركت بناء على تقدير موقف كان خاطىء تماما و للأسف اتنصب عليها من أمريكا نصباية السنين ... ... ازاي ؟؟؟؟ .
فرنسا لما شافت ان كرة الجليد بدأت تتحرك على الارض في تونس و سوريا و ليبيا و غرب افريقيا .... بدأت تتحرك بسرعة.... و كانت أول دولة تعترف بالحراك المسلح في سوريا .... و كانت أول و أكبر مشارك في العمليات العسكرية في ليبيا ... و ده أملا منها انها تلحق و تكون موجودة على الأرض في تقسيمة الكعكة اللى بتتقسم لصالح امريكا .... .... لكن للأسف .... بعد ما دفعت دم قلبها في العمليات في ليبيا و بعد كل ده ... لقت نفسها اتركنت على الرف و أخدت الصابونة اللوكس ..... و مش بس كده .... دى لقت مناطق نفوذها في غرب أفريقيا بتتفتت ....
فرجعت تاني و بدأت تتحرك منفردة .... و بعد ما كان موقفها السياسي متخبط ما بين مصالح الغرب و مصالحها هي شخصيا .... و بعد زيارة الأمير سعود الفيصل وزير خارجية السعوديه اللي هدد فيها فرنسا بخسارة فرنسا لمصالحها السياسية و الاقتصادية مع العرب في حاله دعمها للمخطط الغربي .... بدأت تفوق و تقتنع انها بكده حتخسر الجلد والسقط ..... فبدأت تدعم علانية الخيار الشعبي المصري في 30 يونيو.... و بدأت تتحرك بشكل نشط جداً عسكريا في غرب افريقيا .... و تدعم قواعدها العسكرية .... و تدعم نفسها مع حكومات مالى و موريتانيا و النيجر .
و مش بس كده .... دي بدأت في سباق مع الزمن في تشييد قاعدة " ماداما " في شمال النيجر و على الحدود الجنوبية لليبيا اللي هي حتكون أكبر قاعدة جوية ليها هناك، و اللى منها تقدر الطائرات الفرنسية التحرك بكل حرية للوصول الى العمق الليبي و ساحل الغرب الافريقي للقيام بعمليات دون الحاجة للتزود بالوقود لضرب الكلاب السعرانة الأمريكية اللي على الأرض في مالي و النيجر و شمال نيجيريا اللى نفدوا على الكلاب اللى في ليبيا عبر النيجر و الوضع هناك حيطلع خارج السيطرة على المتطقه كلها ، و مش بس كده .... ده حيهدد ايطاليا و جنوب أوروبا بالفعل ....
و مش بس كده ..... دي كمان بدأت في التحرك منفردة لدعم الدول المناهضة للخطة الأمريكية سواء عسكريا أو سياسيا ( طبعا بما يتناسب مع أجندتها ) .... زي مصر و السعوديه و الجزائر في صفقات تسليحيه متقدمة تكنولوجيا خارقه بذلك الاتفاقات الغربية الضمنية بعدم نقل اسلحة متقدمة تكنولوجيا الى الدول العدوة لاسرائيل عشان يفضل ميزان التفوق الاسرائيلي النوعي في السلاح قائم ... و بكده هي بتضرب فهمي نظمي رسمي في الامريكان و بتلعب لهم في الأزرق.... ازاي ؟؟؟
فرنسا قامت باتمام الاتفاق لتسليم حاملتين طائرات هليكوبتر"ميسترال" الى مصر لتكون أول دولة عربية تمتلك حاملات طائرات السنة اللى احنا فيها .... كما قامت باتمام الاتفاق مع مصر لتوريد الكورفيتات البحرية المتقدمه تكنولوجيا لمصر، و مش بس كده ده كمان نقل تكنولجي التصنيع للكورفيتات دي للترسانة البحرية في الاسكندرية .
وطبعا قبل كده كان تم تسليم مصر عدد فرقاطتين " فريم " إلى مصر ، وهي الصفقة اللي قلبت موازين القوى البحرية في البحر المتوسط واللى هي مقلوبة أصلا لصالح البحرية المصرية ..... ده طبعا بخلاف تزويد مصر بالمقاتلة الأحدث على الاطلاق " الرافال" ،،،وبكده أصبحت مصر هي أول دولة في العالم تمتلك المقاتلة دي بعد فرنسا ... و لأول مرة حيتعدل ميزان القوة النوعية التكنولوجية ما بين مصر و اسرائيل بسبب فرنسا .
و ده كمان غير الأخبار المتداولة والشبه مؤكدة عن بدء مفاوضات السعودية مع فرنسا على توريد 45 قطعة بحرية فرنسية الى البحرية السعودية ( لنشات دورية سريعة) .
و نيجي بقي للتحرك الفرنسي الحراق ..... فتحركت فرنسا بقوة مع المجموعة العربية سواء داخل الاتحاد الأوروبي أو داخل الأمم المتحدة لدعم انهاء القضية الفلسطينية من جذورها بدعمها انشاء الدولة الفلسطينية و انضمامها الى محكمة العدل الدولية .... و ده مش حباً في سواد عيون العرب ... لكن ضرباً في الامريكان اللي نصبوا عليها في الحدوته دي كلها .
.
بعد التحركات دي كلها ...هنلاقي التحرك المصري الفاعل و المتناغم و المتلاقي في مصالحه مع التحركات الفرنسية للقضاء على الكلاب السعرانة في ليبيا و إحكام الخناق عليهم .... فـ بيتم التنسيق مع الجزائر و تشاد امنيا و مخابراتيا .... و بيتم استكمال حصار بؤرة الارهاب الليبية شمالا عن طريق ايطاليا و جنوبا عن طريق فرنسا اللى موجودة على الأرض في النيجر جنوب ليبيا .... و ده سبب رئيسي لزيارة السيسي لايطاليا و فرنسا في مستهل زياراته لأوروبا
طبعا الكلام ده كله مش على هوى أمريكا خاااااالص ... و فوق كل ده .... طلع وزير الدفاع الفرنسي " جون ايف لودريان " يوم 3 يناير اللي فات و كملها بتصريح ناري متحديا أمريكا فهمي نظمي رسمي لما قال " يجب علينا التدخل العسكري المباشر في ليبيا للقضاء على ميلشيات الارهاب المسلحه في ليبيا .... الارهاب الليبي سيطال مصالحنا في النيجر و سيمتد الى فرنسا نفسها" .... فمعداش يومين و قالوله ... قلبك على الفلسطينيين و الدول العربية و عايز تحارب الارهاب ..... طب خد بقي الارهاب عندك و في قلب باريس كمان.. وكانت شارلي إيبدو
بعدها طلع قادة الغرب كلهم يتباكون و يقولوا لفرنسا ... انتي حبيبتنا .... احنا واقفين معاكي يا أوختي ... بس هاه !!!!! يا تري بقى هتعقلي يا فرنسا و الوضع اللى خلقناه ده ... حنستغله مع بعض و حتشتغلي معانا زي زمان في احداث 11 سبتمبر و لا حتعملي ايه ؟؟؟؟ ..... .
و جه الرد الرسمي لفرنسا على لسان الرئيس الفرنسي "فرانسوا أولاند " اللي كان غريب جدا و خارج الصندوق .... أولا رفض وصم المسلمين بالارهاب و قالها صراحة إن المسلمين ملهومش علاقه بالكلام ده في اشارة ان انا عارف اللعبة و عارف مين اللى ورا الكلام ده ... و مش بس كده ..... ده استخدم نفس منهج الدولة اللى وقفت في وش الغرب كله و هي مصر، و طلب من شعبه النزول عشان يدوله تفويض لمكافحة الارهاب .
ولما فرنسا ما سمعتش الكلام ، فكان لازم من عملية تأديب لفرنسا بعد ما قرصة الودن بتاعة شارلي إيبدو ماجابتش نتيجة ، فكانت تفجيرات باريس اللي راح ضحيتها 129 قتيل وحوالي 350 مصاب
طاب يا ترى موقف فرنسا في الأيام الجاية هيكون في أنهي إتجاه ؟؟
بلاش نستبق التوقعات .... و خاللي بالك من قاعدة مهمه خااااالص ..... في السياسة .... اللى بيتم في الغرف المغلقو بيختلف تماما عن اللي بتشوفه و ممكن يكون عكسه خالص، أو يبان ليك حاجة بينما بيكون التحضير لحاجة تانية خااااالص ...لأن اللي متاح للعوام حاجة ... و العالم الحقيقي حاجة تانية خاااالص
‪#‎cpd‬
الرجوع الى أعلى الصفحة اذهب الى الأسفل
 
فرنسا والخروج على المؤامرة الانجلوسكسونية الصهيونية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: