منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 داعش واللغط المزرى فى سوق الكلام

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن المرجاوى
المدير العام
المدير العام
avatar

الجنس : ذكر عدد المساهمات : 3714
تاريخ الميلاد : 03/06/1963
تاريخ التسجيل : 06/11/2010
العمر : 54
المزاج مصر العربيه

مُساهمةموضوع: داعش واللغط المزرى فى سوق الكلام   الأربعاء ديسمبر 17, 2014 9:51 am


Mohammed Haffz
الظواهري زعيم القاعدة ، من كام يوم كان له تصريح بيقول فيه إن داعش تسيء للدين الإسلامي الصحيح !!، نفس الجملة اللي بيقولها معظم الناس حالياً ، طارق/عبود الزمر بتوع اغتيال السادات قالوها ، الشيوخ الأزهرية قالوها ، المسلمين اللي بيقولوا على نفسهم وسطيين قالوها .... حتى شريف مدكور قالها ....!!!!
أنا معرفش أصلاً مصطلح "إسلام صحيح" ده بدأ منين وإزاي ، ومعرفش هل فيه نُسخة معينة إسمها الإسلام الصحيح كل دول بيرجعولها واحنا ما نعرفهاش يمكن ، كل دول مشتركين في صفات معينة ، كلهم يعتقد بصحة إسلامه وضلال الباقيين (الفرقة الناجية) ، وكلهم بيرجعوا لنفس المصادر ، يعني صحيح البخاري ومسلم مثلاً هما المصدر الأساسي لكل دول وبيتفرع منهم مفهوم الجميع ، بس كل واحد و حدود اقتباساته ، اللي يقتبس حديث عن الرحمه ، اللي يقتبس حديث عن الجهاد ، اللي يقتبس حديث عن قطع يد السارق ، اللي يقتبس حديث عن بر الوالدين ، اللي يقتبس حديث عن الغنائم والسبايا... الخ ، ويسيب الباقي ، طيب وباقي الأحاديث اللي هم سايبينها ؟ هيقولك لأ ، مش هي دي الإسلام ، بس تيجي انت تقولهم البخاري ومسلم دول لازم يتنقوا ويتراجعوا ، هتلاقيه إتحول لقنفذ ويلف على نفسه ويبقى كرة شوك ويفضل يجري وراك ، تقوله ان نفس الكتب اللي بيدافع عنها دي هي سبب خراب دماغ الناس هيتهمك بالزندقة والهرطقة ويقيم عليك الحد ، تقوله إن من ضمن الأحاديث الصحيحة في البخاري فيه حديث بيقول إن قرد وقردة زنوا فالقرود رجمتهم ، هيقولك انت كداب ، وبعدين تقوله رقم الحديث ويقراه ويلاقيه صحيح ، هيرجع يقولك أصلك مش فاهم ، ولما تثبتله إنك فاهم وإن الحديث واضح ، هيقولك في الآخر إنه آه ، عادي إن القرود ترجم قردين زنوا ..!! طيب هي القرود بتتجوز أصلا عشان تقول انه فيه زنا خارج حدود الزواج ..؟!! يعني هل سمعنا عن قرد راح طلب قردة من أبوها واتفقوا عل المهر وعملوا فرح وكده..؟!!
هي القرود أصلا مكلفة ولها حق الإختيار..؟ وهل فيه قرود مؤمنة وقرود كافرة..؟ طيب هي القرود بتصلي ؟ بتصوم ؟ بتحج ؟!!
النهاردة طالبان عملت عملية في مدرسة ثانوية عسكرية في باكستان حاصرت فيها 500 طالبة وطالبة ومدرسين ، وبدأوا مذبحة من أوسخ مذابح العصور الوسطى اللي احنا لسه عايشين فيها ، أكتر من 115 قتيل وضعفهم جرحي ، قتل عشوائي بدم بارد ، الجثث والأشلاء في كل ركن في المدرسة ، ولسه العدد بيزيد وأنا بكتب البوست ده حالياً ، والمتحدث بتاع طالبان صرح للإندبندنت إن العملية رداً على قيام الجيش الباكستاني -اللي بيحكم بالشريعة برضه- قام بعمليات عسكرية ضد الحركة واعتقال وقتل بعض ناشطيها ، إمبارح كان واحد شيعي سابقاً وسُني حالياً إحتجز رهائن في كافيه في أستراليا وخلاهم يرفعوا العلم الإسلامي وفي الأخر اتقتل 3 ، داعش بتدبح أطفال عراقيين مسيحيين ما قبلوش يدخلوا الإسلام ، من سنتين أربعة شيعة اتضربوا واتسحلوا واتشقت جماجمهم في الجيزة من جيرانهم ولما البوليس وصل ، الأهالي سحبت الجثث بالخُطاف -اللي بيعلق بيه الجزار اللحمة- من زورهم لحد عربيات الأمن المركزي.
صحيحكم باطل ، وأحكامكم فاسدة ، وتفكيركم عقيم ، ووسطيتكم كدب ، وإرهابكم حق ، وعلمكم جهل ، وحكمكم اضطهاد ، وتسامحكم إدعاء ، ورحمتكم مشروطة ، وعدلكم ظلم ، وفتاويكم قاتلة ، نضفوا نفسكم من الوساخة وبعدين اتكلموا عن الإسلام الصحيح ، شوفوا البلاوي والقرف اللي في كتب الصحاح قبل ما تتشقلبوا زي القرود عن جهل وانتوا بتدافعوا عن الدين ، بلاش قرف بقى.
----------------
Mo F Bahey
الرجوع الى أعلى الصفحة اذهب الى الأسفل
 
داعش واللغط المزرى فى سوق الكلام
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: