منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 أراء سياسية ..ومحكمة القرن والحكم بالبراءة.

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن المرجاوى
المدير العام
المدير العام
avatar

الجنس : ذكر عدد المساهمات : 3714
تاريخ الميلاد : 03/06/1963
تاريخ التسجيل : 06/11/2010
العمر : 54
المزاج مصر العربيه

مُساهمةموضوع: أراء سياسية ..ومحكمة القرن والحكم بالبراءة.   الأحد نوفمبر 30, 2014 8:22 am

أراء سياسية
مع الأسف احنا وصلنا لمرحلة متأخرة جداً من الجهل و الأنحدار الثقافي بشكل غير مسبوق ....الناس بقيت بكل أسف فاقدة للمنطق ....كل حاجة مخلوطة ببعض و كله داخل في بعضه ....ترديد أي كلام و يصدقوه .....حياه بقيت شعارات و كلام فارغ ...أي كلام في أي كلام ....
يا جماعة .....خلينا نوضح الواضح ....معلش .
١- براءة مبارك ليس معناها أن عصر مبارك كان رائع و جميل .. البراءة دي لتهمة معينة و محددة هي "قتل المتظاهرين" ...كونك أنت رابط الحكم بفترة حكم مبارك دي مشكلتك أنت لوحدك ....و علي فكرة هو خد حكم في ضية تانية!!!
٢- علي فكرة براءة مبارك لا تعني عودة نظام مبارك .....لأن نظام مبارك أصلاً كله برة و قاعدين في بيوتهم من ساعتها .....في دولة حالياً و رئيس منتخب و كدة ....مبارك مش راجع ...زي مرسي كدة!!
٣- القضاء لو كان مسيس زي ما بنسمع ...كان أدان مبارك و حبيب العادلي لأن في مصلحة الدولة ....و لكن البراءة في مصلحة الأخوان و ضد الدولة ....فبلاش كلام فارغ!!!
٤- بالنسبة للأخوان الي بيتهموا السيسي أنه السبب في البراءة ....هو أنتم نسيتم مبارك أتقبل النقض بتاعه و خرج من السجن في عهد مرسي و النائب العام الملاكي الي عينه الأخوان و لا ايه؟ نسيتم؟!!!!
٥- حضرتكم لسه عايشين في عصر اللا دولة و الناس نازلة تتظاهر ضد الحكم ....يا جماعة في دولة موجودة ....مفيش حاجة اسمها أعتراض علي حكم ....مش بمزاجك و لا مزاجي ....دي حكم قضائي ....مش عاجبك يبقي الحل نعمل محاكم ثورة و نلغي الدولة و القانون و الدستور .....و نخلي سيادتك تصدر الحكم الي يريحك....
٦- هو ليه حالة التمثيل المبالغ فيها من الحكم ......هو مين كان متوقع حكم غير البراءة .....ما كلنا كنا عارفين و شوفنا الفيديوهات الي عرضها المحاميين و شوفنا بعينينا الأقسام و هي بتقتحم ...و سمعنا مكالمات الأخوان مع حماس للتخطيط ل٢٨ يناير ..و عارفين أنهم حطوا قناصة في التحرير .....ليه لا مؤاخدة "بنستهبل؟!!!" القصة كلها واضحة وزي الشمس ...مش مقتنع أنت حر بس متعيش دور أنك مصدوم و كأنك مش عارف الحكم من قبلها يعني!!
٧- الناس الي بتعيط أن الحكم يعني "فشل الثورة" .....طب لما الحكم الأول صدر بالأدانة مسمعناش صوت حضرتك ليه و أنت بتقول "الثورة نجحت" ....القصة كلها أستغلال و تجارة و ظيطة و أي كلام ...فعلاً قرف!!
٨- سؤال ...هو حضرتك أستغربت من حكم البراءة و مستغربتش أن جمال و علاء بيتحكموا في قضية قتل المتظاهرين الي ملهومش أي علاقة بيها؟ مستغربتش مثلاً أن مبارك بيتحاكم في قضايا هبلة زي هدايا الأهرام و قصور الرئاسة ؟
يا سيدي مبارك خد براءة أنه أتحاكم علي قضايا غلط .....قضية مبارك الأساسية هي فساد أجتماعي و أخلاقي و ثقافي .....
٩- لما بنقول أن ٢٨ يناير كانت مؤامرة أخوانية لأحداث أنفلات أمني ....ده لا يعني أن مبارك كويس ...اه والله ....و كمان مش المقصود بيه أن الشرطة كانت حلوة ....اه والله ....المقصود هو ما تعنيه الجملة لفظياً ...."٢٨ يناير مؤامرة أخوانجية لأحداث أنفلات أمني" .......أنت بقي فهمت حاجات تانية و أستنتجت أن كدة تبقي ثورة يناير مؤامرة و أن مبارك كويس و الشرطة حلوة ...دي مشكلتك الي مع الأسف مبارك السبب فيها أنه وصل مستواك الفكري و الثقافي لهذا الأنحدار و التأخر ....
١٠- علي فكرة السيسي مالوش دعوة بالقضية اه والله .......أصلاً القصية بدأت في عهد المجلس العسكري ....و النقد أتقبل في عهد مرسي و أتحدد المحكمة في عهد مرسي برضو ..و الجزء الكبير من المحاكمة في عهد عدلي منصور .....يعني السيسي مالوش دعوة ....أحسن في ناس فاكرة أن السيسي بيعرض لمبارك....ناسيين أن السيسي هو رئيس الجمهوية دلوفتي ...اه والله!!!!
الرجوع الى أعلى الصفحة اذهب الى الأسفل
 
أراء سياسية ..ومحكمة القرن والحكم بالبراءة.
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: